Polos xornais chéganos a grata nova: a Federación de Libreiros de Galicia inclúe na programación anual de Feiras do Libro a que hai 27 anos ven celebrándose en Foz. Cando en 1986 se xestionou a implantación da mesma, co proxecto de continuidade, xurdiran serias dúbidas sobre a súa viabilidade. O do libro é un mundo complexo e difícil, sobremaneira onde, coma en Galicia, o índice de lectura é francamente baixo.
Pero o tempo situou ó certame focego como o máis exitoso dos que teñen lugar en vilas e decano deles. Foz vivirá, polo vindeiro agosto, a XXVIII Feira do Libro, sen faltar a unha cita aínda que, nalgunha ocasión, con certos atrancos que remataron superándose e que é de esperar non se repitan. Pode dicirse que para a vila trátase do feito cultural máis importante da súa historia, se atendemos a consideracións puramente obxectivas: é o que mais perdura no tempo; o de maior participación (ao longo das 27 xa celebradas foron milleiros os/as visitantes a cada unha) e o evento que trouxo ó pobo un maior número de xente da cultura, xa como pregoeiros, conferenciantes, presentando e asinando libros, rapsodas, relatores… Fora pregoeiro da I Feira, o xornalista e escritor viveirense Ramón Pernas, director da Editorial Espasa-Calpe e deran conferencias Ramón Villares, decano da Facultade de Historia en Santiago, que de contado sería reitor daquela Universidade, a quen Alianza Editorial acababa de publicar o seu libro “Historia de Galicia”; Jorge Víctor Sueiro, xornalista, redactor-xefe de TVE e escritor gastronómico; Isaac Díaz Pardo, director de Sargadelos, disertando sobre “Castelao e a guerra civil” e don X. Trapero Pardo, xornalista e escritor cuxo relato xirou arredor da figura de “O Mariscal Pardo de Cela”. Outros persoeiros que con distintos cometidos acudiron ás feiras de Foz foron: Carlos Reigosa, Xosé Neira Vilas, Manuel María, Rosa e Luisa Castro, Xavier R, Baixeras, J. R. Ónega, Daniel Hortas, Paco Rivas, Xosé M. Carballo, Ramón Reimunde, Raúl Guerra Garrido, Darío Villanueva … A Feira do Libro é consubstancial ó verán de Foz.
Suso Fernández
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
