O Burela FS Pescados Rubén venceu (1-4) con autoridade na complicada pista do Soto do Real e mantén o coliderado co Atlético de Madrid Navalcarnero, que sufriu un serio correctivo nesta pista. A escuadra dirixida por Javier Pardeiro manexou o partido con solvencia e intelixencia ante a defensa zonal proposta polo conxunto madrileño. Peque iniciou a conquista cun gol, no minuto 2, que silenciou o pavillón madrileño, desactivando a intensidade local. As galegas alternaron a presión alta e a defensa en media pista sorprendendo a un Soto do Real que se quedou sen argumentos ofensivos. Polo contra, o Burela Pescados Rubén xeraba claras ocasións pero ata o minuto 15 non chegou o 0-2. Lidia fusilou a meta local, tras unha xogada de estratexia, danando seriamente a esperanza madrileña e dando paso a un festival laranxa de ocasións que certificaron Lucía e Dany, ambos tras pase de Peque, co terceiro e cuarto tanto respectivamente. Co 0-4 chegouse ao descanso e na continuación, agás algúns momentos de coraxe local, o Burela Pescados Rubén xestionou o xogo á perfección e gozou de ocasións para aumentar a súa cómoda renda, aínda que sen acerto na definición. A cinco minutos para o final, o Soto puxo en liza o xogo de cinco e no primeiro intento case recibe o quinto tras un disparo de Jozi que se estrelou no traveseiro. A dous minutos do final, chegou o tanto da honra local por mediación de Laura e co 1-4 chegouse ao desenlace dun gran partido da burelesas.
Ficha técnica
Soto del Real: Elena; Marta, Chili, Patri y Laura Jiménez (quinteto inicial). También jugaron, Pitu, Nerea, Vane, Taira e Ana Ferif.
Burela Pescados Rubén: Jozi; Lidia Mesías, Dolo, Peque y Lucía Nespereira. (quinteto inicial). También jugaron, Dany, Haydée e Maite.
Goles: 0-1, min. 2 Peque; 0-2, min. 15 Lidia; 0-3, min. 17 Lucía; 0-4, min. 19 Dany; 1-4, min. 38 Laura Jiménez.
Pabellón Municipal. Contreras Tejedor e Pérez Álvarez do colexio castelán-leonés. Amonestaron con cartón amarelo a Pitu no Soto del Real e a Maite do Burela Pescados Rubén.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.