Cando un cativo que fixo ben a súa tarefa recibe un agasallo, este premio convértese nun reforzo positivo que fará que repita a conduta ben valorada. Se quixeramos evitar que se dea un comportamento non desexado, advertirémolo das consecuencias negativas de dita actitude. Mesmo se chega a obrar mal deberiámoslle aplicar o correspondente castigo para evitar que se repita tal conduta. Pero como mesturemos os allos cos bugallos e deamos sinais confusos premiando o negativo e castigando o positivo, probe da crianza e da súa educación: botadiña a perder!
Este é o comportamento que está a ter a Administración Central cos concellos no que se refire ao uso dos remanentes de tesourería. Está a dar paus de cego por abordar o tema de xeito improvisado, desde os afastados despachos da Moncloa, e ignorando a realidade das administracións locais. Obrigar aos concellos a dedicar dito remanente de xeito exclusivo a amortizar débeda, sen ter en conta a situación de cada un deles, é suicida. Aquelas entidades locais que xestionaron de xeito responsábel os seus orzamentos e acabaron tendo un remanente positivo non poderán aproveitar o esforzo realizado para investimentos que dinamicen a economía local, xusto en momentos tan delicados e precisados de esforzo inversor. Pois non: todo ten que ir destinado a pagar a débeda cos bancos. Pódese entender que teña que ser usado para pagar aos subministradores, iso si; pero aos bancos?!
O concello de Carballo paga regularmente aos seus provedores. Cumpre a normativa actual. Tamén paga puntualmente as cotas dos seus créditos. Está ao día. Porén, se non se lle pon remedio á situación, tería que amortizar a súa débeda (algunha está a pagala ao 1,2%) e despois autorizaríanlle pedir crédito (que seguramente tería que adquirir ata ao 4 ou 5%) para novas inversións. Vaia sen sentido! E vaia choio para algúns!
É como se a un autónomo que precisara ampliar o seu negocio, ou lanzarse ao mundo da exportación, lle dixeran que mellor amortizara os créditos actuais que teña (tamén con bos xuros) para despois ter que pedir novos préstamos polo triplo de tipo impositivo. Ou o goberno reconduce o tema, e de paso logra clarificar ben a confusa lexislación que el mesmo aprobou, ou vainos quedar a amarga sensación de que lle interesa máis a economía dos Botín e cía que a da xente de a pé.
Farruco Graña
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
