O Burela FS Pescados Rubén segue na liña ascendente. A vitoria na pista do Leis Pontevedra (4-8, 23ª xornada) converteuse na quinta consecutiva para os de Lucas, na mellor etapa da súa primeira tempada en Terceira. Este resultado mantén as posibilidades dos mariñáns (45 puntos) de acceder á segunda praza, nas mans do Pazos de Borbén (46), que venceu 13-5 ao Eypar.
Os laranxas dominaron, con eficacia vertical; tras un roubo e dúas xogadas ben elaboradas foron ao descanso con 0-3 merecido. A escuadra burelista mantivo a tónica dominadora no segundo período, con ocasións claras en ataque e freando as iniciativas dos locais. Con 0-4, a falta de 14 minutos, o Leis solicitou tempo para apostar por porteiro-xogador, estratexia que o Burela FS aproveitou para subir o 0-5, tras roubo do esférico. Co encontro encamiñado, os laranxas relaxáronse, situación da que sacaron partido os pontevedreses, reducindo distancias ata 4-7. Na recta final, os de Lucas reaxustaron a defensa para retomar o control, con 4-8 final.
O cinco inicial burelista estivo artellado por Brais, Bruno de Nois, Fabio (3), Antón (1) e Keko (2); tamén xogaron Carlos (1), Souka (1) e Hélder. Polos pontevedres saíron Jorge, Martín (1), Sergio Martínez (3), Raúl Jiménez e Miguel; ademais participaron Sergio Martínez e Eloy.
24ª xornada. O próximo rival para os mariñáns será o CAFYD, pechacancelas con 8 puntos, o sábado, en Vista Alegre.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).