O secretario xeral para o Deporte, José Ramón Lete Lasa, destacou que os Premios do Deporte Galego, que serán entregados o vindeiro xoves, 21 de marzo, en Lugo, recoñecen e agradecen a labor dos múltiples axentes “que fan do noso deporte un auténtico patrimonio que sempre nos da moitas alegrías.”
Os Premios do Deporte Galego 2012 que, en palabras de Lete Lasa, son a “principal cita anual do deporte da nosa Comunidade” xunto ás Distincións ao Mérito Deportivo de Galicia, serán entregados a vindeira semana nunha gala que presidirá o presidente do Goberno galego, Alberto Núñez Feijóo.
Durante a súa intervención na presentación deste evento, na que tamén participou a delegada territorial da Xunta en Lugo, Lete Lasa salientou que estes galardóns “veñen recoñecer o máis destacado no noso amplo e rico espectro deportivo”, representado nas 17 categorías dos premios que abranguen os múltiples axentes: deportistas, clubs, adestradores, árbitros e entidades de promoción do deporte galego, como os patrocinadores ou os medios de comunicación, entre outros.
O secretario xeral para o Deporte puxo de relevo que na edición deste ano terán un especial protagonismo galegos que participaron no Xogos Olímpicos e Paralímpicos de Londres 2012. “Realizaremos un especial recoñecemento a todos os galegos e galegas que nos teñen representado na capital británica na que, sen lugar a dúbidas, é a máis exixente cita a nivel mundial á que calquera deportista pode enfrontarse na súa carreira”, abondou.
Nesta liña, destacou que na cita olímpica e paralímpica de Londres oito deportistas galegos “volveron a casa con dez medallas”, e fixo unha mención especial a David Cal, “convertido no deportista español con máis medallas nuns Xogos Olímpicos”, dixo; unha circunstancia que, xunto á súa “excepcional” traxectoria deportiva, ten motivado que a Xunta de Galicia presentara a súa candidatura ao Premios Príncipe de Asturias dos Deportes. Lete Lasa expresou, ao respecto, o seu desexo de que “estas certas e irrefutables aptitudes do noso excelente padexeiro sexan valoradas polo xurado”, concluíu.
Pola súa banda, a delegada territorial da Xunta en Lugo, Raquel Arias, agradeceu a elección da cidade das Murallas para a celebración do acto de entrega destes premios, o que “sen dúbida –asegurou-, é un recoñecemento especial ao deporte lucense, tan ben representado –dixo-, non só nos deportes de equipo, senón tamén naqueles deportistas que en disciplinas individuais levan o nome de Lugo alá onde participan en probas deportivas”.
Así, grazas ao traballo da Secretaría Xeral para o Deporte, o próximo xoves 21 de marzo, “Lugo converterase no centro do deporte galego e, unha vez máis –aseverou Raquel Arias-, teremos a oportunidade de abrir o edificio da Xunta de Galicia á sociedade, dándolle un uso máis festivo a unhas instalacións ás que os cidadáns normalmente acoden por circunstancias distintas”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
