Lourenzá, 14 de marzo de 2013. Co gallo do Día Forestal Mundial, que se celebra o vindeiro 21 de marzo, o Concello de Lourenzá organiza unha charla para “explicar a primeira lei de montes de Galicia, a lei 7/2012 de 28 de xuño, que xa está en vigor desde o 17 de agosto do ano pasado”, anunciou hoxe a alcaldesa, Emma Álvarez Chao, que na súa etapa como deputada autonómica foi poñente desa lei.
A rexedora municipal explicou que “esta lei entrou precisamente no Parlamento o día 21 de marzo, unha data sinalada, e é unha lei da que tiven a honra de ser poñente. A devandita lei será explicada por un dos seus redactores que é Miguel Ángel Cela González, que naquel momento era xefe de servizo de Montes en Lugo e a día de hoxe ocupa o cargo de subdirector xeral de Prevención e Defensa contra os Incendios Forestais da Xunta de Galicia, en Santiago”.
Emma Álvarez engadiu que o obxectivo desta lei “é compatibilizar os aproveitamentos dos montes con outras actividades que se poidan desenvolver neles, pero sempre baixo o abano da xestión forestal sostible; é dicir, baixo tres parámetros: o económico, o social e o ambiental. Os principios reitores desta lei baséanse na ordenación do monte, na loita contra o minifundismo e na regulación dos usos forestais. Tamén ten unha parte importante dedicada á modificación da lei 3/2007 de prevención e defensa de incendios forestais en Galicia, onde aclara e pretendemos que con esta charla que se impartirá dentro dun días no Concello queden, dunha vez por todas, definidas cales son obrigas dos propietarios forestais e cales son as distancias das franxas de seguridade das vivendas illadas e dos núcleos de poboación”.
Por todo isto a alcaldesa considera que “é unha lei sumamente importante nun concello coma o de Lourenzá, que é altamente forestal e onde ao mesmo tempo temos un val moi produtivo para horta e para gandería e polo tanto deben harmonizarse e convivir todos os subsectores: tanto o agrícola, como o gandeiro e o forestal. É unha lei moi importante tanto para os propietarios de montes como para aquelas outras persoas que se dedican á agricultura ou incluso para aquelas que teñen as súas vivendas rodeadas de monte”.
A charla será o vindeiro xoves, 21 de marzo, ás 21:00 horas no salón de actos da Casa do Concello.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
