O Burela FS Pescados Rubén enfrontarase mañá a outros dos titáns da máxima categoría, o nomeado ElPozo Murcia, segundo clasificado (45 puntos), coa intención de “aproveitar o pulo de confianza” que outorgou o empate da semana pasada ante o grande Inter Movistar, segundo expresou o técnico laranxa, Juanlu. Un novo e mellor Burela FS pechará o complicadísimo ciclo de calendario, o seu particular Tourmalet, ante a afección de Vista Alegre, a partir das 18.30 horas.
Na terceira semana á fronte do vestiario mariñán, Juanlu amosouse contento pola evolución do equipo: “Seguimos mellorando, día a día estamos mellor e cada vez máis preto de conseguir o rendemento perseguido, para chegar aos partidos decisivos con garantías” asegurou o adestrador burelista. “O equipo está concienciado para facer un bo partido e se ElPozo ten que sacar algo de Burela, que o faga ofrecendo a súa mellor versión” explicou con decisión o estratega, advertindo da dura loita que acollerá a bomboneira: “Como ocorreu ante o Inter, nós seremos para ElPozo o rival previo a un enfrontamento directo, no podio, a relaxación tampouco figurará nos seus rostros”.
Juanlu disporá de todo o cadro para a cita. A convocatoria de ElPozo estará configurada por Juampi, José Ruiz, Paulinho, Miguelín, Jesús, Bebe, Álex, Fabio, Adri, Raúl, Gréllo e Franklin; descansarán Kike e Rafa.
Venda de entradas. Vista Alegre abrirá a taquilla mañá ás 17.15 horas, no Día do Club. Para realizar un control exhaustivo da afluencia ao encontro todos os afeccionados deberán acceder ao recinto con entrada. A directiva do CD Burela FS decidiu establecer un prezo simbólico para os menores de 14 anos, 1 euro.
As entradas de socios/as reservaranse en taquilla ata as 18.15 horas; nos últimos quince minutos previos ao partido liberarase a súa venda.
Sorteo dunha bicicleta. A entidade laranxa promoverá a práctica deportiva a través do sorteo dunha bicicleta MMR (valorada en 800 euros), doada pola firma Cerezo Bikes, durante o descanso do partido ante ElPozo. As rifas estarán á venda ata o sábado, por tan só 2 euros a papeleta.
PREZOS PARA SOCIOS
Socios adultos: 3 euros
Socios xuvenís (14-18 anos): Gratuíto
PREZOS PARA NON SOCIOS
NON socios adultos: 12 euros
NON socios xuvenís (14-18): 3 eurosMenores de 14 anos: 1 euro
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
