O Burela FS Pescados Rubén volverá esta noite con reparto de puntos das terras madrileñas. Ás pupilas de Javier Pardeiro escapáronselles dous prezados puntos na casa do Móstoles FSF tras manter a vantaxe de 0-1 ata a recta final dun encontro moi intenso que finalizou con 1-1 a pesar das numerosas ocasións de gol. Con certo sabor amargo, o cadro laranza durmirá hoxe como líder con 49 puntos e coa incógnita ata o domingo do que deparará a 22ª xornada no podio, co enfrentamiento entre o terceiro, Ciudad de Alcorcón (43) e o colíder, Atlético de Madrid Navalcarnero (48), a partir das 13.00 horas.
A presión decidida do Burela FS facilitoulles ás laranxas as primeiras oportunidades a media distancia, de Lucía e Dolo. Tralo remate ao pau de Lidia chegou o gol das mariñás, no minuto 13, ao aproveitar Dany un servizo da propia ferrolá dende a banda esquerda dentro da área. Preto do descanso, Lidia volveu a ter nos seus pés o 0-2 tralo roubo de balón nun man a man que salvou Belén. As locais solicitaron tempo a 18 segundos de soar a bocina sen variación no electrónico.
No segundo período, as primeiras ocasións claras firmounas Peque, nun remate contra o pau, e Eva Manguán nunha volea que se marchaba alto. As laranxas volvían ao ataque sen tregua sobre a meta rival sobre o minuto 26, con potente disparo de Lucía e remate dentro da área de Dany. Rondando o 30, o xogo de cinco saltou á pista para as de Móstoles, con idas e voltas de Patri Chamorro; con porteira xogadora chegou a igualada das locais, con gol de Celia ao segundo pau a pase de Chamorro dende o lado contrario. Tralo tempo morto solicitado por Pardeiro, as mariñás apostaron pola mesma estratexia para facerse de novo co control do luminoso; con Dolo como estandarte o encontro adquiriu un ritmo frenético, aínda que sendas porterías se mantiveron imperturbables.
Móstoles: Belén; Patri Chamorro, Eva Manguán, Inma e Rocío (quinteto inicial). Tamén xogaron, María Otero, Rocío Toledano, Anita Duque e Celia.
Burela FS Pescados Rubén: Jozi; Dolo, Peque, Lucía Nespereira e Maite (quinteto inicial). Tamén xogaron, Lidia, Dany e Haydée.
Amonestaron con cartulina amarela a Lucía Nespereira no Burela e a Rocío Sevilla no Móstoles.
Goles: 0-1, min. 13 Dany, 1-1, min. 37 Celia
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
