O pasado sábado, día 16, na Casa da Cultura de Alfoz, celebrouse a terceira xornada do I Festival de Curtas de Alfoz, que estivo dedicado ó cine de Cervo e Burela. Este festival está organizado polo Seminario de Estudos do Valadouro, en colaboración coa Deputación Provincial e o Concello de Alfoz. O acto comezou cunha mesa redonda sobre o mundo do cine, no que, moderado por Xabier Pardiñas (presidente do SEVA), participaron os dous directores do día (Paco Piñeiro e Matías Nicieza), xunto con Ramón Casas, un dos promotores e directores da representación teatral que tanto éxito vén acadando nas últimas semanas “Os vellos non deben namorarse”, e Xaquín Domínguez, un dos protagonistas da coñecida serie da TVG “Padre Casares”. Logo da mesa redonda puidéronse ver as películas “Focegos por amor”, de Paco Piñeiro, e “33”, de Matías Nicieza.
Nova xornada de cine en Alfoz
Relacionado
-
Dúas alumnas do IES de Foz, Kiara e Marta, resultaron gañadoras do Premio Especial no XXV Campionato Mondiale di Pizza Piccante celebrado en Italia
-
Guido Guía inicia un novo proxecto audiovisual no que, tras mes e medio de gravacións —que aínda continúan— emprende unha viaxe pola provincia de Lugo a través das rutas do programa Coñece a túa provincia da Deputación
-
O delegado territorial da Xunta en Lugo, Alfonso Villares, mantivo este martes senllas reunións coa Asociación de Veciños ‘O Vencello’ e coa Asociación da Semana Santa de Burela para coñecer as súas necesidades e estudar novas vías de colaboración
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
