Novas actividades da Asociación de Axuda ó Enfermo Mental

Con motivo do cambio de estación, a Asociación de Axuda ó Enfermo Mental A Mariña organiza diversas actividades. O día 20 de marzo, mércores, terá lugar no Centro de Rehabilitación Psicosocial e Laboral de Burela unha festa de benvida á primavera, onde retrocederán ós anos sesenta, plasmando a importancia do medio ambiente que recollía o movemento hippy. Ó día seguinte, xoves, coincidindo tamén co Día da Árbore, plantarán ás 11:00 unha árbore na finca anexa, estando acompañados polas gañadoras do xogo desenvolvido durante toda a semana polo persoal de Gaia ¿Qué árbore é?, e da presencia da súa Presidenta, Dna. María Iris Castro Meitín. E pola tarde, un bo grupo de participantes no concurso celebrado con motivo de San Valentín, no Concello de Cervo, acudirán a recibir unha mención especial á Casa da Cultura de San Cibrao. A asociación recorda tamén que o martes 19 ás 15.30 disputarán o partido de fútbol sala contra Afaes-Porta Nova no pavillón Vista Alegre.