A vicevoceira provincial socialista, Pilar García Porto, subliñou que “Feijóo, que recoñeceu ser coñecedor do que estaba a suceder coas preferentes de Novagalicia Banco, nada fixo para que os 14.000 lucenses estafados a sabendas do propio Presidente da Xunta de Galicia recuperen os aforros de toda unha vida. Feijóo non tivo en conta nin a situación que sofren os miles de afectados por estas participacións, nin as súas reiteradas reclamacións, así como tampouco atendeu as peticións dos seus compañeiros de partido, nin as de institucións como á Deputación de Lugo que o instou, tras aprobar unha moción deste Goberno Provincial en Pleno, a facer as xestións necesarias e a poñer en marcha os mecanismos legais oportunos para que os aforradores lucenses estafados recuperasen o 100% dos seus aforros”.
Isto amosa, segundo remarcou a vicevoceira socialista, que “Feijóo non escoita nin ós veciños, malia as masivas manifestacións celebradas por todo o territorio galego, nin ós seus propios Alcaldes, que esta semana apoiaban á Plataforma Preferentes Lugo nun acto na Deputación, nin ás institucións con representación cidadá, dando o silencio por resposta ou impoñendo a súa maioría absoluta ó actuar de xeito unilateral”.
Outro exemplo: os hospitais
García Porto destacou que outro claro exemplo da imposición de Feijóo é a creación dunha área sanitaria de xestión integrada en Lugo. “O Presidente da Xunta tamén neste caso impuxo a súa maioría absoluta, ignorando a milleiros de veciños, facultativos, Alcaldes ou á Deputación. A Feijóo non lle importa que 120.000 lucenses, usuarios dos Hospitais da Costa e de Monforte, teñan agora que desprazarse máis 100 quilómetros ata a capital luguesa para contar con diferentes especialidades sanitarias. Pero non con todas porque Feijóo tampouco vaia dotar a esta provincia, a pesares das reclamacións de miles de cidadáns e porque así o decidiu de xeito unilateral, dun servizo de Hemodinámica as 24 horas do día, como tampouco vamos a ter Radioterapia, Medicina Nuclear ou Cirurxía Pediátrica. Feijóo prefire que nos despracemos a outras provinciais galegas, poñendo en risco a nosa saúde e facendo que para os lucenses a sanidade sexa máis custosa e menos universal” .
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
