No último pleno ordinario celebrado o día 21 de marzo quedou demostrado que o equipo do PP non traballa para favorecer ós veciños.
Este equipo convoca un pleno ordinario con nove puntos a tratar dos cales sete son de carácter administrativo. Os dous restantes tratan de (1)modificar compromisos asumidos polo concello en relación coa creación da escola infantil e (2) de aprobación do anteproxecto do encauzamento do rio Perdouro.
No seu día o grupo do PP aprobou en solitario un convenio de colaboración coa Xunta de Galicia para a creación dunha escola infantil de 0-3 anos. Neste convenio o equipo de goberno comprometíase a poñer á disposición, libre de impostos e gravames, de tódolos terreos necesarios, con usos urbanísticos, para a normal execución das obras, así como os correspondentes permisos e autorizacións necesarias para levala a cabo, sen prexuízo de que a efectiva dispoñibilidade destas deberá acreditarse con anterioridade á adxudicación da obra.
Comprométese, tamén, en consignar nos orzamentos do 2013 116.197,55 euros correspondentes ao 20% do custe de actuación, así como o compromiso de consignar o 20% restante da total aportación municipal (40%) nos orzamentos correspondentes.
Por último asume o compromiso expreso do concello de Burela de subscribir un convenio de xestión, que non supoña incremento de gasto para a Xunta de Galicia, co obxecto de atender os gastos de funcionamento do equipamento unha vez construído.
Neste punto o grupo municipal socialista votou en contra por considerar que é un mal convenio para o noso concello, xa que hai que poñer terreos con todos os permisos á disposición, pagar o 40% da obra e facerse cargo do mantemento. É un mal convenio por que estas obras debe asumilas directamente a Xunta xa que é unha responsabilidade directa. Con este convenio hipotecase a economía dos veciños de Burela. Por outro lado, que nosoutros saibamos, non hai terreos para poñer á disposición da execución das obras. E o peor de todo é que a Xunta non asignou un só euro para levar a diante este proxecto.
Para ocupar espazo na orde do día do pleno o grupo do PP leva para a súa aprobación un anteproxecto para o encauzamento do río Perdouro, xustificando que é unha obra para facer un aparcamento para usuarios do hospital.O anteproxecto valora a obra en 1.2 millóns de euros.
Considerar agora esta obra é un insulto ós veciños de Burela. En primeiro lugar non é unha obra urxente, en segundo lugar non hai un só euro para asignarlle e en terceiro lugar faise este anteproxecto considerando que o Plan Xeral é definitivo cando aínda esta en trámites. Segundo recoñeceron no pleno (os do PP) esta obra está a anos vista o que demostra que se gastaron cartos en vano e co único propósito de facer propaganda política de que están a facer algo cando a realidade é ben distinta. E dicimos que a realidade das actuacións de este equipo de goberno é ben distinta do que nos queren facer crer por que está baseada en seguir as consignas dos mandos superiores. Por un lado escóndense dos veciños no tema da área sanitaria da Mariña, e por outro comulgan e xustifican a perda constante de dereitos sociais.
Cando tratamos o tema da área sanitaria o grupo socialista defendeu o mantemento da Xestión Integrada da Área Sanitaria única da Mariña, a ampliación real do Hospital da Costa e a aplicación do Plan de Mellora da atención Primaria. Eles defenderon a Área Integral de Lugo. Tendo en conta a opinión dos veciños da comarca que avalan coa súa firma a Área Propia, a decisión do grupo popular soa a traizón.
É patética a defensa que fixeron para xustificar o novo modelo de prezos públicos que a Xunta quere aplicar nos comedores escolares o próximo curso. O grupo socialista levou unha moción para rexeitar esta medida por considerala como un ataque intolerable á escola pública e un desprezo ás familias. O grupo popular votou a favor do copago. Triste.
O grupo socialista levou outra moción para asignar subvencións as entidades deportivas, culturais e recreativas, que sen ánimo de lucro, desenvolven as súas actividades no noso concello e que fan no seu conxunto unha labor moi importante. Compromiso concreto do equipo de goberno para axudar as entidades:cero
A estas alturas do mandato é penoso observar como as posibilidades económicas, sociais, culturais, etc. de Burela se dilúen por ter un equipo de goberno apoucado e pouco comprometido co benestar, dereitos e intereses dos veciños.
Alfredo Llano García. Portavoz do Grupo Municipal Socialista
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
