Este pasado domingo día 24 de Marzo celebrouse a 3ª regata puntuable da XIV LIGA GALEGA DE KAIAK DE MAR, proba que tivo lugar en Baiona ás 11:00 h nun percorrido alternativo ao previsto dadas as más condicións meteorológicas imperantes.
Perto de duas centeas de deportistas competiron nun circuíto triangular de 3500 m a tres voltas, cun primeiro largo sometido ao mar de costado ata a primeira ciaboga, onde se enfiaba rumbo a terra (a zona da Ramallosa) con empopadas complicadas dada a magnitude das ondas e as rompentes. Ciaboga a estribor para enfilar de novo ao porto deportivo de Baiona co mar de proa pero dificultando o padexar o forte vento, o percorrido puxo a proba a forma física e as destrezas das tripulacións, menudeando os volcos e abandonos dado o dificultade da proba.
As embarcacións raíñas desta comprometida disputa resultaron ser as tres da Mariña Lucense, pois encabezaron a entrada en meta dúas k2 co Club Piraguismo Viveiro e a terceira do Club Piraguismo Altruán de Ribadeo.
Efectivamente, Ricardo Otero López e Raul Cedrón Vilar, actuais campións galegos en k2 sprinter veteráns e únicos representantes do Altruan nesta liz, gañaron a meta colgandose no pescozo un ouro , o mesmo metal que a parella viveirense Javier Illanes / José Estévez na categoría k2 sprinter senior , deixando a prata para os seus compañeiros de equipa Marcos Illanes/Alberto Pigueiras.
Nos primeiros compases, o k2 master de Narón J. Ferreiro/J. Seco púxose en cabeza ata que na segunda volta a do Altruán puido collerlles a estela de popa. A partires daí, disputaronse o ouro á par ata a derradeira ciaboga na cal Ricardo e Raul atacaron cun vigoroso sprint que os coruñeses non puidieron manter, entrando en meta os mariñáns en solitario tralas estelas das duas k2 de Viveiro.
En embarcacións individuais mandou Carlos Perez Rial, Perucho, campeón olímpico en Pekín en k2 500m, esta vez competindo na disciplina do kdm. Nas k1 ficou coa medalla de chiculate e ao pe do podium o viveirense Jesús Fdez. Dopico en sprinter master, compensando o seu compañeiro Rodrigo Navarro co seu ouro en k1 tradicional senior.
Comandou a táboa clasificatoria o CM Ria de Aldán que desaloxou á escadra cambadesa da primeira posición por clubes, ocupando o CK Vigo a terceira praza; o CP Viveiro mantense na 4ª posición, entrando o clube ribadense na clasificación da Liga ao ocupar a acada a 13ª praza dos 21 postos en liza.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
