O BNG pide ao goberno que actúe ante o acoso laboral a traballadores da Capitanía Marítima de Burela
Nota de Prensa
O BNG PIDE AO GOBERNO QUE ACTÚE ANTE O ACOSO LABORAL QUE SUFREN TRABALLADORES DA CAPITANÍA MARÍTIMA DE BURELA POR COMETEREN O “DELICTO” DE FALAR EN GALEGO
O deputado Bieito Lobeira afirma que a situación sería “surrealista se non fose pura realidade”
Santiago de Compostela, 7 Maio 09.- O portavoz parlamentar do BNG en materia de Lingua, Bieito Lobeira, vén de rexistrar unha pergunta parav a súa resposta oral en Comisión sobre a discriminación sufrida por traballadores da Capitanía Marítima de Burela por “cometeren o delicto” de usar a lingua galega.
O deputado nacionalista quer que o goberno galego explique que medidas vai adoptar para defender o uso do galego por parte dos traballadores e traballadoras deste organismo dependente do Goberno do Estado, asi como o dereito dos administrados a recibiren atención no seu propio idioma.
Lobeira faise eco asi da denuncia feita pública onte mesmo por dúas traballadoras e un traballador da Capitanía Marítima de Burela que, segundo eles mesmos explicaron, “están a sofrer unha situación de acoso laboral e discriminación no seu emprego pola única razón de usar a lingua galega nos seus postos de traballo”.
O portavoz de Lingua lamenta este tipo de prácticas que, na súa opinión, son unha demostración do “bilingüismo harmónico” e a “amabilidade lingüística” diante da suposta “imposición” do galego.
“Que a estas alturas do século XXI haxa institucións oficiais que se permitan o luxo de conculcar a legalidade vixente en materia lingüística e pisotear os dereitos de traballadores que só pretenden instaurar a normalidade nun entorno que, segundo os dados oficiais, utiliza o galego como lingua maioritaria do 90% da poboación”, alega Lobeira.
O deputado ironiza indicando que a situación plantexada resultaría “surrealista se non fose pura realidade”.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
