Ribadeo, 18 de abril de 2013. Un total de 56 bares, mesóns e restaurantes da vila e das parroquias participarán na oitava edición do certame gastronómico Ribadeo de tapeo do 10 ao 19 de maio, que organiza o Concello ribadense. A edil de Desenvolvemento Local e Turismo, Ana Martínez, subliña que unha das novidades deste ano será un dispositivo para móbiles a través do que se poderá seguir esta cita coa cociña en miniatura.
A concelleira nacionalista sinalou que “este ano o Ribadeo de tapeo entra xa na súa oitava edición, que se vai celebrar entre os días 10 e 19 de maio e conta con máis participantes que na anterior, xa que falamos de 56 entre bares, mesóns e restaurantes, tanto da vila como de parroquias, fronte aos 51 do ano pasado. Salientar que a maioría dos novos establecementos de hostalería que abriron durante este ano tamén se foron integrando neste certame”.
Martínez dixo que “ano máis Ribadeo de tapeo é a cita por excelencia da micro cociña, desa cociña en miniatura que busca enxalzar e por en valor os produtos da terra, tan bos e tan saborosos, combinándoos co enxeño dos cociñeiros para facer así unha mestura de olores, de sabores e de sensacións para os nosos padais”.
A dinámica do concurso segue a ser a mesma, “é dicir proporciónaselle a cartolina ao público na que se irán selando polos establecementos segundo se vaian saboreando as tapas, o que nos vai ir permitindo entrar a formar parte do concurso que, coma sempre, contará con diversos premios”, engadiu a concelleira de Desenvolvemento Local e Turismo.
Ana Martínez indicou que “como novidade este ano contamos cunha aplicación para teléfono móbil, que vai ser gratuíta e estará activa para as dúas plataformas, IOS e Android, e que se pode baixar a través dos códigos QR que estarán indicados nos establecementos ou ben para a xente que non estea en Ribadeo e que a queira baixar pode facelo a través dunha páxina web. A través desta aplicación podemos ver e seguir os establecementos participantes, que van estar xeoposicionados, e tamén ir vendo as tapas. Así pois buscamos que a xente se integre no concurso cunha participación máis interactiva na que o público tamén poderá dar a opinión sobre as tapas, aínda que este ano non se vai utilizar para a votación oficial. Tamén se poderán seguir a través desta aplicación as actividades que se desenvolven arredor do evento e que, coma sempre, farán disfrutar a cantos se acheguen a Ribadeo durante o tapeo”. A edil ribadense engadiu que “para isto contamos este ano, por segunda vez, cos Soños Gastronómicos, no que os hoteis se van integrar no tapeo e van facer descontos, agasallos e actividades varias que permitirán aos nosos visitantes durante estes días pasar a noite en Ribadeo a un prezo máis económico”.
Ana Martínez convida “a todas e a todos a marcar este evento, do 10 ao 19 de maio, nas súas axendas e achegarse a disfrutar do Ribadeo de tapeo”.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
