O derbi provincial entre transportistas e laranxas non só se verá esta fin de semana en Primeira División. O Burela FS Pescados Rubén estreará o periplo da Copa de Liga Nacional Xuvenil coa visita do Azkar Lugo, o domingo, ás 12.00 horas (Monte Castelo).
Despois da presentación de renuncia dalgún equipo, a Federación Galega de Fútbol aprobou en reunión o martes pasado un formato competicional configurado por dous grupos. Xunto aos laranxas e aos lugueses, segundos e primeiros na liga respectivamente, no Norte tamén estará Cidade de Narón; o Sur integrarano Noia FS, Santiago Futsal e AD Bueu.
A primeira fase, que arrancará este domingo, prolongarase ata o 5 de maio, con tres xornadas a unha soa volta. Despois de Azkar, o 28 de abril os pupilos de Lucas visitarán a pista do Cidade de Narón e descansarán o 5 de maio. Ás semifinais, entre o 12 e o 26 de maio, accederán os dous primeiros de cada grupo (1º Grupo Norte-2º Grupo Sur e 1º Grupo Sur-2º Grupo Norte) en eliminatoria de dobre volta e coa pista do segundo clasificado como sede do primeiro encontro. O 1 de xuño disputarase a gran final, coa sede a determinar pola FGF.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
