O Deputado de Xestión Territorial, Manuel Martínez, anunciou que o vindeiro luns arrancará o Plan de Rebacheo 2013, a través do que a Deputación acondicionará a rede viaria provincial dos 67 Concellos lucenses, que, con 4.200 quilómetros, é a máis extensa de España. Martínez achacou as críticas difundidas este xoves polo Partido Popular sobre o estado das estradas provinciais ó “oportunismo” dos populares, pois “eran perfectamente coñecedores de que iamos iniciar os traballos xa, e por iso quixeron gañar puntos facendo este numeriño”.
De feito, o Deputado xa fixo público hai unha semana que técnicos do departamento de Vías e Obras estaban ultimando o chequeo das estradas provinciais, e que a programación das obras de mellora estaba practicamente lista.
As actuacións, que deixarán en “perfectas condicións as vías”, empezarán o luns nas 8 zonas nas que a Deputación ten dividida a conservación das estradas, o supoñerá a mobilización de 12 equipos de traballo polo territorio provincial. Manuel Martínez subliñou, neste senso, que os traballos comezan “en canto nos foi posible, coa chegada do bo tempo. Somos conscientes do mal estado de moitas estradas e da necesidade destas melloras, pero inicialas antes non serviría de nada porque as choivas desfarían todo o arranxado”.
O Deputado incidiu en que este inverno especialmente chuvioso provocou que os danos nas estradas foran maiores que noutras tempadas, pero tamén “pesa moito a herdanza recibida do Partido Popular”, argumentou, pois “deixou unhas estradas de moi mala calidade”, o que acentuou os efectos provocados polas precipitacións.
“O PP debe esixir a Feijóo que deixe de discriminar a Lugo”
Por todo isto, Martínez recomendou ó PP que aplique “a mesma dilixencia” coa Xunta que coas estradas provinciais, “esixíndolle a Feijóo que deixe de discriminar dunha vez ós veciños desta provincia pola cor política do seu Goberno, e desbloquee a transferencia de estradas, que mantén paralizada dende o ano 2009, obrigando ós lucenses a pagar o que non deberían simplemente porque a Xunta se nega a asumir as súas competencias; que dote ó HULA, tal e como se comprometeu, de Hemodinámica as 24 horas, Radioterapia, Medicina Nuclear e Cirurxía Pediátrica; que financie os servizos sociais e as políticas de emprego, como fai no resto das provincias galegas; que busque unha solución xusta para os miles de afectados polas participacións preferentes; que interceda para que non se elimine o servizo ferroviario A Coruña-Lugo-Monforte, a única liña ferroviaria de media distancia, e se poña en marcha o tren híbrido; que xestione o desbloqueo das obras de construción do AVE e da autovía A-54 de Lugo a Santiago; que non desmantele os hospitais de Burela e Monforte coa área única integrada de xestión sanitaria; ou que non recorte servizos no IES As Mercedes, entre outros moitos asuntos pendentes”.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
