Burela, 20 de abril de 2013. O alcalde de Burela, José Mª González Barcia, supervisou esta mañá os traballos de traslado do xulgado de paz desde a súa situación actual ata a Praza de Abastos.
O rexedor agarda que “o xulgado estea a funcionar con normalidade nas novas instalacións o vindeiro luns. As novas dependencias gañan en amplitude, algo que redundará en prestar o mellor servizo posible aos cidadáns de Burela”.
O próximo sábado, 27 de abril, farase un novo traslado “e o último será Expomar, neste caso o cambio de ubicación non se efectuará ata que remate a feira que terá lugar a finais de maio”, indicou González Barcia.