O Burela FS Pescados Rubén B caeu na pista do Vilalba FS o sábado, a pesar de marcar o ritmo no marcador durante toda a primeira parte (5-3). Este pequeno tropezo relega os mariñáns da segunda á cuarta praza (55 puntos) tras os acertos dos rivais directos, Pazos de Borbén (58) e Ventorrillo (56), ante Leis (4-3) e Cafyd (6-4) respectivamente.
A pesar de non mostrar o mellor nivel defensivo, o cadro burelista púxose axiña por diante, con 0-2, de Bruno e Fabio, xa no minuto 9. O que parecía un encontro cómodo igualouse no electrónico en tan só dous minutos, por fallos na defensa laranxa, de Óscar e Iago (12 e 13). Con 2-2, o Burela FS foi quen de provocar de novo perigo en ataque e así chegou o 2-3 de Fabio, no 18.
A lixeira vantaxe da primeira parte non foi suficiente para os laranxas, que aínda que crearon ocasións tamén deron moitas facilidades en defensa e iso aproveitouno o Vilalba FS para poñerse por diante, con goles de Óscar (24) e Joel (32). A do sábado non era a tarde para os de Lucas, que non conseguiron ver con éxito a portería rival coa inferioridade do Vilalba, no 35. A falta de tres minutos, o xogo de cinco saltou da banda burelista, con consecuencias adversas, co 5-3 definitivo, de Aitor.
Despedida
Os pupilos de Lucas despedirán a súa primeira tempada en Terceira o sábado, pelexando por rematar entre os privilexiados da zona alta, con derbi comarcal no pavillón Monte Castelo de Burela. Os burelistas recibirán a A Fuga Xove FS ás 18.00 horas (horario unificado).
Ficha técnica
Vilalba FS: Manuel, Iago, Joel,Rodrigo e Óscar. Tamén xogaron Aitor, Agustín, Luis e Ismael
Burela FS B: Brais, Bruno de Nois, Antón, Manuel e Keko. Tamén xogaron Souka, Hélder e Fabio
Goles: 0-1, minuto 6, Bruno; 0-2, minuto 9, Fabio; 1-2, minuto 12, Óscar; 2-2, minuto 13, Iago; 2-3, minuto 18, Fabio; 3-3, minuto 24, Óscar; 4-3, minuto 32, Joel; 5-3, minuto 38, Aitor
Árbitros: Cardero Rodríguez, Vázquez Castellanos
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
