A Mariña, 23 de abril de 2013. Ana Ermida, responsábel comarcal do Bloque Nacionalista Galego na Mariña, manifestou o seu apoio e informou que o BNG secundará a convocatoria de acto público e manifestación que a CIG vai levar a cabo mañá en Lugo, ás 11:30 horas e 13:00 horas respectivamente, para denunciar a situación crítica na que as reformas neoliberais en materia laboral que está a executar o PP situou á clase traballadora galega, que é quen está a padecer directamente os efectos da crise.
Tal e como explicou Ana Ermida, “as políticas do PP fan que na Mariña xa máis da metade de desempregados sexan mulleres e teñamos xa case 6.000 parados e paradas. As mulleres, ademais de padecer peores retribucións salariais e peores condicións laborais, son maioría sufrindo o drama do desemprego con case o 53%, en marzo buscaban traballo 3.070, mentres que a porcentaxe de desempregados masculinos sitúase en marzo arredor do 47% do total, situándose en 2.785. Máis aló, existe outro drama que se dá na nosa comarca da Mariña pero que, coma un andazo, afecta a todo o país, e non é outro que o do desemprego xuvenil: milleiros e milleiros de rapaces e rapazas galegas que, a pesar de estar formados, carecen de oportunidades laborais no seu país e vense forzados a emprender a emigración fóra das nosas fronteiras. Os datos son claros: os mozos continúan padecendo a falta de oportunidades para gañarse o pan: en marzo querían atopar ocupación 459 menores de 25 anos na nosa comarca, un número altísimo tendo en conta o pequeno abano de idade que representa”.
“Por todo isto, podemos afirmar que Feijóo e Rajoy aplicando as súas políticas ultraliberais son os culpables dos 259 desempregados e desempregadas máis que a Mariña ten con respecto a hai un ano: deben congratularse, a súa reforma laboral está dando os seus froitos en forma de máis desemprego, precarización das condicións laborais, peores condicións de vida para as clases traballadoras”- sentenciou Ana Ermida.
A responsábel comarcal do BNG na Mariña lembrou ademais “o conxunto de medidas esmagadoras das condicións de vida e dos servizos públicos que na nosa comarca padecemos, ao igual que noutras comarcas do país, pero especialmente o que ten a ver co desmantelamento do Hospital da Costa, o que ademais de provocar desprazamentos de persoas enfermas para ser tratadas no Hospital de Lugo vai provocar tamén unha merma da calidade asistencial no propio Hospital da Costa e tamén un traslado de persoal do que é o principal centro empregador da comarca, polo que tamén afecta ao tecido económico”.
Por todo isto, Ana Ermida animou a participar á poboación mariñá no acto público informativo que terá lugar mañá ás 11:30 horas da mañá na Praza Maior de Lugo e á manifestación que percorrerá posteriormente Lugo desde a Praza Maior até o edificio da Xunta de Galiza para protestar pola demolición dos dereitos laborais das clases traballadoras.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
