Burela, a 3 de maio de 2013. O alcalde burelés, José María González Barcia, xunto con concelleiro delegado de Obras, Manuel Fernández Valle, e técnicos do Concello, fixeron hoxe, a pé de rúa, un repaso á situación de determinados viais de Burela, para afrontar un rebacheo das zonas máis deterioradas.
González Barcia manifestou que “a dureza do inverno deixouse sentir no estado das rúas; pero aínda que a situación xeral das mesmas non é mala, hai zonas que si teñen certo deterioro, e sobre as que hai que actuar de cara ó verán”. Así, o alcalde indicou que “as actuacións máis urxentes serán acometidas antes das festas patronais, e as que poden agardar quedarán para despois”.
O concelleiro de Obras, Manuel Fernández Valle, precisou que as “actuacións inmediatas serán nas rúas O Río na intersección con Arcadio Pardiñas; algúns tramos de Eijo Garay; Alvaro Cunqueiro e da Avda. da Mariña”.
Fernández Valle engadiu que “xa no verán, actuaremos noutros puntos da rede viaria local. O estado xeral do firme das rúas do noso concello non é malo, pero hai zonas moi castigadas pola intensidade do tráfico, o que xunto co rigor do inverno que acaba de rematar fai necesario que se actúe para evitar unha maior degradación”.
Finalmente, González Barcia manifestou que “a xestión do bipartito, dous anos despois, segue a deparar sorpresas, e non precisamente agradables. Esto era a casa de tócame, Roque, porque se gastaron os cartos alegremente e agora resulta que hai infraestruturas que non funcionan, porque se fixeron e nunca chegaron a usarse ou non se mantiveron con xeito. En próximos días teremos pechado un estudio sobre estas cuestións e daquela será o momento de falar”.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
