O partido de rugby terá lugar no estadio Gregorio Pérez Rivera este sábado día 11 de maio ás 5 da tarde e pola mañá, ás 12, enfrontaranse os combinados femininos
Lugo, 6 de maio de 2013. Esta mañá, o vicepresidente da Deputación de Lugo e responsábel das Áreas de Benestar Social e Deporte, o nacionalista Antonio Veiga, presentou no salón de actos da Deputación de Lugo o encontro internacional de Rugby entre as seleccións de Galiza e Euskadi que se disputará este sábado, 11 de maio, ás 5 da tarde no estadio Gregorio Pérez Rivera de Lugo. Na presentación deste encontro que patrocina a Área de Deportes da Deputación de Lugo, Antonio Veiga estivo acompañado polo presidente da Federación Galega de Rugby, Ignacio Cociña, que é quen organiza o partido e as actividades paralelas a el, no que tamén colabora o club lucense de rugby, o Muralla; por parte do Concello de Lugo, que cede as instalacións, estivo Xosé Manuel Díaz Grandío e por parte da empresa Intermax, colaboradora no desenvolvemento das actividades e que retransmitirá en directo para todo o mundo en calidade HD o encontro de rugby, o seu director xeral, Javier Mouriño.
O vicepresidente da Deputación afirmou que “é unha ocasión magnífica para ver un partido oficial da selección galega de rugby contra un rival de moitísimo nivel, no que seguro que será unha festa do deporte e tamén de irmandade entre dous países que se ven privados da posibilidade de competir de xeito oficial coas súas seleccións nacionais. De feito, aquí en Galiza vimos como o PP eliminaba o tradicional partido internacional da selección galega de fútbol no que era un día de auténtica celebración para todos, cos estadios cheos de seareiros e seareiras galegas apoiando á súa selección e uns xogadores galegos que vestían con orgullo a camiseta branquiazul. Por iso, aproveitando esta ocasión, queremos facer unha reivindicación polo dereito á oficialidade das seleccións nacionais galegas”.
Por outra banda, Antonio Veiga expresou o seu desexo “de ver cheas as gradas do Pérez Rivera de Lugo este sábado, comezando polo partido feminino pola mañá e tamén no partido oficial masculino ás 5 da tarde, nunha xornada que contará con múltiples alternativas de ocio, como zona para xantar, sorteos de material deportivo e demais, o que propiciará tamén que Lugo sexa un punto de encontro e intercambio entre dúas afeccións de dous países que comparten o seu desexo de ver ás súas seleccións deportivas en partidos internacionais oficiais”.
O presidente da Federación Galega de Rugby, Ignacio Cociña, remarcou o carácter festivo que rodeará o encontro xa que a propia federación que el preside celebra o seu 30 aniversario nesta xornada, presentándose a camiseta oficial da selección galega de rugby. Ignacio Cociña destacou que vai ser un evento moi especial para a afección pero tamén para os propios xogadores, xa que hai anos que a selección galega non disputa ningún partido, e o rival que van ter enfronte, a selección de Euskadi, ten nas súas ringleiras aos mellores xogadores de rugby do estado.
Ademais, Ignacio Cociña lembrou que para os afeccionados que se acheguen tamén haberá actuacións musicais ao remate do partido, coa presenza dos mellores djs españois, polo que convidou a toda a poboación en xeral a asistir este sábado ao Gregorio Pérez Rivera e desfrutar dunha xornada de festa ao redor do rugby.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
