Cervo, 6 de maio de 2013-Os 10 nenos e nenas que participan no Obradoiro de Teatro organizado con motivo do Día das Letras Galegas avanzan nos ensaios dunha peza teatral. Trátase de “Todo é un conto”, unha obra en galego na que se mesturan os protagonistas de diferentes contos infantís e de filmes de animación e que xiran ao redor dun mesmo tema: todos teñen algunha doenza ou preocupación que os leva á consulta dunha doutora que ofrecerá unha solución ben peculiar a cada caso. A Carapuchiña Vermella, o Lobo Feroz, Cincenta, Riciños de Ouro, Nemo ou o Rei León son algunhas das personaxes que acudirán ao seu excéntrico consultorio.
Uns obradoiros que xa se converteron nunha actividade habitual que as concellerías de Educación e Cultura poñen en marcha periodicamente, tanto pola súa boa acollida como polos beneficios que implica para os participantes, que “aprenden a perder a vergonza de falar en público e o medo escénico, e melloran a súa xestualidade e capacidade de interpretación como unha forma de iniciarse no mundo do teatro” explica a edil de Educación, Pilar Armada.
Aínda así, tamén cabe lembrar que hai moitos participantes que repiten, xa que teñen acudindo a estes obradoiros en anteriores edicións, como as postas en marcha no Nadal ou no Outono Cultural, todas co mesmo obxectivo de “achegar esta arte escénica aos máis pequenos e espertar o seu interese polo teatro” remata Armada. Un obradoiro que comezou a impartirse o 26 de abril e que aínda ten por diante as xornadas do 10, 24 e 31 de maio e o 7 de xuño na Casa da Cultura.
Certame infantil
Ademais, a Concellería de Cultura lembra tamén que ata o 10 de maio segue aberto o prazo para presentar os traballos para o Certame de narración e debuxo infantil con motivo do Día das Letras Galegas que convoca a Biblioteca Municipal. Nel poden participar todos os nenos e mozos ata os 16 anos que decidan presentar ou ben un debuxo ou ben unha narración, podendo achegar cantos traballos desexen de ambas modalidades. Iso si, as narracións deben estar escritas en galego cunha extensión máxima dun folio por unha soa cara e axustándose ao tema “A toda máquina”. En canto aos debuxos, deben estar feitos sobre cartolina de tamaño DIN A-4 sobro o mesmo tema mencionado. Cada traballo presentado debe ir acompañado dunha folla cos datos persoais do autor. Á hora de seleccionar os premiados establécense tres categorías: ata os 8 anos; de 9 a11 e de 12 a 16 anos.
Os traballos deben ser entregados na Biblioteca Municipal de San Cibrao. Cabe lembrar que se trata dun certame convocado a nivel local e que os tres mellores traballos de cada categoría serán premiados e pasarán á fase provincial convocada pola Biblioteca Pública de Lugo.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
