Os equipos base do C.D.Foz colleitaron esta fin de semana unha vitoria e unha derrota. Os infantís da Liga galega xogaron o sábado no Marténez Otero ante o Orillamar coruñés e caeron derrotados por 1-2. Despois de xogar unha moi boa primeira parte chegouse ós vestiarios con empate a cero goles. Na reanudación, o Foz adiantouse no marcador cun gol de Hugo nunha magnífica xogada, pero a partir de ahí o equipo foi a menos físicamente e veuse superado por un Orillamar que acadou o empate e, a falta de 5 minutos, logrou o tanto da vitoria. Hai que seguir loitando; xa que a falta de catro partidos para o final de liga, aventaxa a Milagrosa en 4 puntos, xogándose case que toda a permanencia no enfrontamento dentro de quince días entre ámbalas dúas escadras.
Polo que respeta ós cadetes, xogaron o derradeiro encontro de Liga ante a Milagrosa no Municipal de Malates que recibiu aos campións cun pasillo. No partido desputado o domingo pola mañá, os focegos gañaron por 2-1. Boa primeira parte dos de Oke, que se adiantaron no marcador por mediación de Gonzalo e Dani e que baixaron o seu rendemento na segunda onde encaixou o gol visitante. Ata cinco infantís xogaron cos cadetes. Agora toca preparar ben a fase de ascenso, e para iso xogarase a Copa Deputación, enfrontándose no primeiro partido ó Iberia o vindeiro domingo. A fase de ascenso dará comenzo o 2 de xuño.
Vitoria e derrota para a base do CD Foz
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
