Mondoñedo, 7 de maio de 2013- Técnicos da Consellería de Industria mantiveron hoxe unha xuntanza con promotores locais durante a que abarcaron os proxectos nos que están a traballar os empresarios mindonienses con ideas que permitirán dinamizar a economía local.
Este encontro estivo promovido polo Partido Popular de Mondoñedo co obxecto de establecer a primeira liña de contacto entre os emprendedores locais e a Xunta de Galicia, acercando, desta forma, e unha vez máis, a Administración autonómica ás zonas deprimidas economicamente.
A reunión tivo lugar despois da mesa para a dinamización local celebrada hoxe en Mondoñedo, na que participaron representantes da Xunta de Galicia e en concreto da Consellería de Industria, e no transcurso da que o PP local trasladou ás conclusións ás que espertos en turismo chegaron no foro sobre este sector, celebrado o pasado 27 de abril na Casa da Xuventude local e organizado por Novas Xeracións do Partido Popular.
Propostas do PP de Mondoñedo
Os populares explicaron durante a celebración da mesa as tres conclusións principais acadadas, que permitirán aproveitar o potencial turístico que ofrece a localidade, e que trasladaron a través do rexistro dunha moción plenaria. A primeira delas, é a necesidade urxente de que a administración local reforce a oficina de turismo de Mondoñedo, así os populares solicitáronlle ao equipo de goberno local que realice as xestións necesarias para acadar este fin.
Durante o foro de debate, tamén se fixo fincapé sobre a necesidade de aproveitar os recursos que non supoñen unha forte inversión económica para dar a coñecer a localidade, como é o aproveitamento do uso das novas tecnoloxías e a creación dun portal web.
Por último, os populares reivindicaron o necesario consenso dun horario operativo e eficaz entre todas entidades implicadas no turismo local, como son os empresarios privados e as institucións relixiosas, xestoras de gran parte do patrimonio cultural, como son a Catedral e o Museo.
Por outra banda, os populares locais tamén trasladaron a posibilidade de celebrar un encontro de familiarización entre empresarios mindonienses e axencias de viaxes ou xornalistas de turismo, co afán de aproveitar todas as posibilidade que buscan potenciar turisticamente Mondoñedo.
Mesa para a dinamización económica local
Ademais de aportar as conclusións obtidas no foro de turismo; durante a celebración desta mesa, o PP local pediu concreción e operatividade. Así, solicitaron que o traballo poda dar froitos a curto prazo.
Para elo, dende o Grupo Popular reivindicaron a necesidade de que Mondoñedo adquira máis presenza nos instrumentos que xa existen, xa que se está nun momento no que é obrigado facer máis con menos, co obxecto de obter a maior rendibilidade aos recursos.
O Partido Popular explicou que se está nun contexto no que é necesario traballar co sector ao tempo que agradece o acercamento, sensibilidade e implicación da administración autonómica co municipio, tanto a través da reunión mantida con promotores locais como na participación posta de manifesto durante a mesa creada para o fomento da economía local.
Dende o PP local, aseguran que esta é unha mostra máis da colaboración da Xunta de Galicia coa localidade, dende o peche da factoría Ecar na localidade e a posterior organización dunha mesa de traballo, coa participación de Industria, Concello e Grupos Políticos locais, co único obxecto de procurar alternativas de futuro nunha comarca lastrada pola crise económica.
Os populares lembraron a primeira mesa centrada na xestión forestal sostible, como unha fonte de recursos para a creación de postos de traballo; a que lle seguiu esta segunda, que abarcou o sector turístico, mentres que na terceira tratarase a dinamización do comercio local e o apoio a autónomos e pemes.
Así, o PP tamén citou a concesión por parte da Xunta de Galicia dun obradoiro dentro dos programas mixtos de emprego e formación da Comunidade Autónoma de Galicia, que se puxo en marcha coa restauración do pobo do Vilar e que polo tanto “está a construír un proxecto turístico”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
