BURELA (FNC) .- Este sábado 16 de maio Burela acollerá a fase final “dunha competición deportiva a nivel provincial na categoría de deporte escolar, neste caso trátase do baloncesto alevín masculino. No pavillón dos institutos a partires das 11.30 horas e ata ben entrada a tarde disputaranse esta fase con catro equipos, dous chegados desde a capital, o Cidade de Lugo e o Estudiantes, un equipo de Sarria e noso equipo de Burela”, explica a concelleira de Deportes, Neves Cando.
A edil nacionalista di que “Burela será unha vez máis o referente do deporte escolar. Lembrar o enorme éxito de público e de participación que tivo no pasado mes de abril a final da fase provincial de ximnasia rítmica na cal o Step Club Rítmica obtivo a clasificación para o campionato galego que se vai disputar agora a finais de maio en todas as categorías nas que se presentaba. Tamén o pasado 1 de maio Burela encheuse de novo acollendo as finais provinciais de fútbol sala nas categorías de benxamín e alevín e agora chégalle a quenda ao baloncesto”. Neves Cando anima “aos amantes do baloncesto e veciños en xeral a gozar do noso deporte e a acudir este sábado para apoiar aos nosos rapaces nesta final provincial de baloncesto”.
A concelleira de Deportes sinala que “desde a Delegación de Deportes apoiamos e impulsamos todas estas iniciativas que apostan polo deporte de base porque é o futuro. Agardamos tamén, como xa foi nas citas anteriores, que Burela sexa unha festa do deporte e neste caso unha festa do baloncesto”.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
