En total, son 25 os municipios que se benefician destas subvencións para promover a dinamización do galego dende o ámbito local, para o que reciben unha achega de preto de 42.000 euros
Lugo, 13 de maio de 2013.- A Xunta de Galicia, a través da Consellería de Cultura, Educación e Ordenación Universitaria, apoia economicamente 11 proxectos presentados por concellos e entes da provincia de Lugo para a promoción da lingua galega nas institucións locais. As achegas realizadas, que se executan a través da orde de axudas convocadas o pasado mes de febreiro pola Secretaría Xeral de Política Lingüística, alcanzan os 41.534 euros no caso na provincia de Lugo, onde, en total, 25 concellos se benefician destas subvencións.
A estas axudas puideron concorrer todos os concellos ou agrupamentos de concellos cunha poboación mínima de 3.000 habitantes e nelas déuselles preferencia ao mantemento dos servizos lingüísticos e á súa creación compartida. Deste xeito, preténdese apoiar a estabilidade e a continuidade das accións dinamizadoras, así como a prestación de servizos mancomunados na Administración local, o que favorecerá unha cobertura uniforme de Galicia e unha atención que chegue a toda a cidadanía, pois máis do 50% dos municipios galegos ten menos de 3.000 habitantes.
No caso da provincia de Lugo, dous dos proxectos apoiados son precisamente mancomunados. Nun dos casos, o concello de Palas de Rei, xunto cos municipios coruñeses de Melide, Toques e Santiso. Noutro caso, o proxecto apoiado é o presentado pola Mancomunidade de Municipios da Mariña Lucense.
O resto dos beneficiarios na provincia de Lugo por esta convocatoria de axudas son os concellos de Quiroga, Monterroso, Vilalba, Outeiro de Rei, Xove, Monforte de Lemos, Guntín, Ribadeo e Foz.
Con esta resolución de axudas, búscase apoiar aos entes locais a través de catro modalidades establecidas na propia convocatoria: a primeira e a segunda, dirixidas á creación de novos servizos lingüísticos –mediante a contratación de persoal técnico especialista en dinamización lingüística- en concellos ou en agrupamentos de concellos; a terceira, subvenciona o mantemento ou o reforzo dos servizos lingüísticos que se encontraban en funcionamento na data de publicación da convocatoria e, a cuarta, está destinada a posibilitar o desenvolvemento de programas dinamizadores promovidos por entidades locais carentes de servizo lingüístico.
Outra das prioridades á hora de valorar as solicitudes foi, de acordo coa convocatoria, a pertenza ou a incorporación das entidades concorrentes á Rede de Dinamización Lingüística (RDL) promovida pola Xunta de Galicia, coa finalidade de unir os esforzos de todas elas a prol dun proxecto común de promoción da lingua.
Polo que se refire ás actividades presentadas polos concellos para o fomento do galego, valoráronse máis aquelas que incidían nos cinco ámbitos fixados pola propia orde de convocatoria: deporte, mocidade, tecnoloxías da información e da comunicación, economía e servizos sociais. Os beneficiarios poderán imputar os gastos derivados das accións normalizadoras que se realicen no período que vai dende o 1 de xaneiro ao 15 de outubro de 2013.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
