Cervo, 13 de maio de 2013-A Concellería de Deportes, que dirixe Luis Guillén, abre este mércores día 15 o prazo para preinscribirse nas actividades da piscina municipal de Lieiro para o curso 2013-2014 nas que se inclúen cursos de natación de nivel iniciación e perfeccionamento para o público infantil e adulto, cursos para bebés e aquagim.
Para formalizar a inscrición os interesados poden achegarse a partir deste mércores ata as instalacións da piscina e cubrir o impreso, xa sexa no caso de persoas que continúan cunha actividade ou de novos cursillistas. Uns trámites que se realizan con varios meses de adianto ao inicio dos cursos co obxectivo de coñecer a demanda real e poder poñer en marcha as actividades atendendo na maior medida posible ás solicitudes dos usuarios.
Polo momento, os cursos iniciados no mes de outubro continúan desenvolvéndose ata finais deste mes, cando rematen a meirande parte deles agás aquagim, que continuará un mes máis. Neles participan unhas 100 persoas entre socios e non socios da piscina, que acoden a actividades acuáticas repartidas en horario de mañá e de tarde.
Estas actividades póñense en marcha cada curso co obxectivo de “aproveitar e potenciar a utilización da piscina e das instalacións deportivas de Lieiro en xeral ofrecendo a posibilidade de aprender ou perfeccionar a práctica da natación e outros exercicios acuáticos”, explica Guillén, que engade que “as actividades colectivas impartidas por un monitor son unha boa alternativa para fomentar a práctica de deporte”. Unhas iniciativas ás que tamén se lles unen os traballos de mantemento como forma de “impulsar o uso dunhas instalacións que inclúen, ademais do vaso olímpico, o ximnasio, a sauna e os vestiarios” engade o edil.
Guillén lembra que recentemente se estiveron levando a cabo diversos traballos de reparación e renovación para mellorar o estado das instalacións de Lieiro e acometeuse a adquisición de novo material accesorio para o desenvolvemento dos cursos.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
