Cervo, 14 de maio de 2013-O alcalde de Cervo, Alfonso Villares e a Xefa Provincial de Tráfico, Paula Yubero, asinaron esta mañá un convenio de colaboración para facilitar e facer máis accesibles algúns dos trámites que os cidadáns teñen que realizar co departamento de Tráfico. Un acto no que tamén estivo presente o edil de Seguridade Cidadá, José Ramón Soto.
En concreto, a través deste convenio faise posible que os cervenses poidan realizar nas oficinas municipais o cambio de domicilio nos permisos de circulación e de condución. Unha xestión que ata o de agora tiñan que facer nas dependencias da Xefatura Provincial de Tráfico situada en Lugo. Deste xeito, xa non será necesario desprazarse ata a capital da provincia para efectuar estas xestións e será tan sinxelo como achegarse ata a Oficina Municipal do Padrón situada na Casa do Concello.
Cervo é o primeiro concello da Mariña e o cuarto da provincia de Lugo en adherirse a este convenio impulsado pola Xefatura Central de Tráfico e a Federación Española de Municipios e Provincias (FEMP) para facilitar e axilizar estes trámites. O rexedor destacou a importancia desta iniciativa como “unha medida para achegar a administración aos cidadáns, que toma especial relevancia no caso de municipios como o noso tendo en conta a distancia que existe ata Lugo”. Villares asegura tamén que esta medida beneficia á propia administración e ao seu funcionamento interno xa que a través do novo sistema “será máis doado e rápido manter actualizadas as bases de datos”.
Cabe lembrar que este servizo estará activo a partir do luns tanto para aquelas persoas que se vaian empadroar en Cervo como para aquelas que xa están empadroadas pero que aínda non efectuaron o cambio de domicilio dos permisos de circulación e condución. É destacable tamén que Tráfico ten dous rexistros diferentes para os vehículos e para os condutores, polo que cando se realiza un cambio de domicilio nun dos rexistros os datos non quedan actualizados no outro, de forma que é necesario modificar os dous.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
