O documento económico rebaixa nun 7,43% a conta da Federación respecto ao pasado ano
SANTIAGO. O Consello Federal da Fegamp aprobou hoxe por unanimidade o documento de Orzamento para este ano 2012. Neste exercicio, a Federación xestionará 1,17 millóns de euros, unha cantidade un 7,43% inferior á do pasado 2013. Por segundo ano consecutivo, as contas do ente municipalista contaron co respaldo de todos os grupos políticos representados.
Segundo explicou aos alcaldes o presidente da Fegamp e rexedor de Ferrol, José Manuel Rey Varela, “desde 2009 reduciuse un 30% o noso orzamento, e con todo, prestamos máis servizos aos concellos”, o que demostra “a eficiencia na xestión dos recursos propios”.
A redución de recursos non significou unha diminución nos fondos da federación, xa que o exercicio 2012 pechouse cun resultado económico-patrimonial positivo en máis de 10.000€. “A Federación vai manter a liña de austeridade e control do gasto”, manifestou pola súa banda Alfonso Villares, alcalde de Cervo e vicepresidente executivo, “como xa fan moitos concellos de Galicia que tamén están a tomar decisións neste sentido para gastar menos en si mesmos e máis nos veciños”.
“Cabe concluír que a situación económica da Fegamp é saneada e positiva”, remarcou Rey Varela, “sobre todo para os tempos que atravesan as administracións públicas”.
Unidade ante a reforma local
Na súa intervención ante o Consello, Rey Varela puxo en valor o traballo da Fegamp á hora de defender os intereses do municipalismo galego no proceso de reforma da administración local que emprendeu o Goberno. Ao seu xuízo, a Federación “foi coherente desde o primeiro día en que aprobamos a nosa folla de ruta”, a comezos de 2012.
Así, reiterou que a reforma local deberá atender aos dous principios esenciais que están pendentes na administración local: delimitación competencial e un financiamento xusto e suficiente. “Estas, e non outras, deben ser as claves da reforma”, subliñou. Rey Varela amosou a súa desconformidade coa fórmula do “custo estándar” que expón o Ministerio para avaliar os servizos públicos, xa que non ten en conta especificidades de Galicia como a dispersión ou o envellecemento poboacional.
Para José Manuel Rey, foi “unha demostración de madurez” que os alcaldes aparcasen as súas diferenzas partidarias e subscribisen un documento de alegacións por unanimidade no seo da Fegamp, defendidas posteriormente ante a FEMP e que abriu a porta para o resto de federacións territoriais.
Ademais, convidou aos alcaldes a explicar os verdadeiros problemas da administración local, “que desde logo non son os soldos, como todos ben sabedes”, e para iso lembrou que “en Galicia, os concellos apenas destinan o 2,3% dos seus orzamentos a salarios”. “Non perdamos o tempo con cortinas de fume e falemos do realmente importante: as competencias, os servizos municipais que prestamos aos veciños e o financiamento dos mesmos”, apuntou.
“Non podemos permitir que esta reforma sexa unha oportunidade perdida”, apostilou Rei Varela, “levamos demasiado tempo esperándoa, e se fracasa, será un fracaso colectivo de todos os concellos, de todos os alcaldes, de todos os nosos veciños”.
Resposta aos problemas coas eléctricas
José Manuel Rey presentou tamén as xestións realizadas durante os últimos doce meses para abordar a problemática exposta o pasado ano no Consello Federal respecto da facturación das compañías eléctricas. “Trasladástesnos as vosas queixas e pasou a converterse nunha prioridade”, indicou. Esta área de xestión corre a cargo do vicepresidente executivo e alcalde de Cervo, Alfonso Villares.
Pola súa banda, Villares explicou que nos últimos meses, a Fegamp veu mantendo encontros cos distintos operadores eléctricos de Galicia, trasladándolle as numerosas incidencias dos concellos. “Atopamos receptividade nas eléctricas, e están a pór a disposición dos concellos acodes de contacto coas que abordar os nosos problemas”, engadiu o alcalde de Cervo.
Entre as medidas a adoptar destaca a apertura dunha oficina de aforro enerxético na propia Fegamp, en virtude dun convenio subscrito recentemente coa Consellería de Economía e Industria, e que permitirá un asesoramento directo aos concellos á hora de auditar e contrastar a facturación dos seus provedores.
Igualmente, José Manuel Rey puxo en valor o novo mapa de emerxencias rubricado a comezos de ano e que empezará a funcionar no mes de xullo, “que contará finalmente cun financiamento estable, o que permitirá aos concellos dedicar os programas de cooperación para crear emprego noutros servizos públicos que demandan os veciños”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).