Foz, 22 de maio de 2013. O alcalde de Foz, o popular Javier Jorge Castiñeira, explicou hoxe que as afirmacións realizadas no Parlamento autonómico polo presidente de Portos de Galicia, José Juan Durán, fan que o goberno municipal focense siga confiando en que o proxecto de reorganización da zona portuaria focense vaise levar a cabo, porque “estanse a dar os pasos administrativos necesarios”.
“O grupo de goberno focense e o alcalde seguimos firmes e confiados no proxecto de reorganización da zona portuaria de Foz. Seguimos confiando na Xunta, concretamente no ente Portos de Galicia e no seu presidente, o señor Durán, porque estanse a dar os pasos administrativos necesarios para que no seu momento esta promesa sexa unha realidade. Se está anticipando a labor administrativa para todas estas posibilidades que vai ter este porto, para que no seu momento poida haber unha concesión e sexa atractiva para a inversión privada, tal e como se dixo desde o primeiro momento”, manifestou o rexedor municipal focense.
Ademais Castiñeira aclarou que “nunca se fixo ningún tipo de engano neste sentido. Falouse dende sempre de que se estaba facendo un estudio hidrodinámico e aí está, porque é necesario para ver como funcionaría a propia ría con esta infraestrutura. Agora se está a facer o plan especial de ordenación para cambiar os usos que hai actualmente das instalacións portuarias para os que pode ter no futuro e se están dando os pasos administrativos, como ben di o propio presidente de Portos de Galicia, para que no seu momento haxa unha concesión que sexa atractiva”.
En resposta as declaracións realizadas hoxe polo deputado autonómico socialista José Ramón Val, o alcalde explica que “non se mentiu en ningún momento aos cidadáns, como di este señor. En todo caso se hai alguén que enganou á cidadanía, aos veciños de Foz, é o propio señor Val: enganou aos seus compañeiros do grupo municipal socialista coa súa dimisión ao ano de presentarse como concelleiro, enganou aos seus compañeiros na Deputación Provincial onde estivo exactamente un ano tamén única e exclusivamente por intereses personalistas e agora este señor parece que quere xustificar o seu abundante soldo facendo unhas afirmacións que verdadeiramente non son exactas”.
Javier Castiñeira rematou explicando que “Portos de Galicia está confiando en Foz: fíxose un dragado urxente hai un ano pola necesidade que había de entrada á ría; no próximo mes vaise empezar o dragado da canle, tal e como se prometeu; anunciouse a pasarela no porto e xa está feita e prométese tamén a ampliación de dez metros de beirarrúa para tratar de rematar xa esa zona peonil, o que se vai facer nas próximas semanas. Polo tanto temos total confianza no ente Portos de Galicia, na Consellería e na Xunta. Debemos ter paciencia para que isto vai saíndo adiante e esperamos que en próximas datas haxa unha concesión e un ente privado, ou varios, que confíen nesta inversión para ter un porto deportivo como se merece o pobo de Foz”.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
