O Burela FS Pescados Rubén superou a primeira proba da XIX Copa de España Bilbao 2013. As laranxas convértense nas primeiras semifinalistas da cita tras impoñerse con seguridade ao Soto del Real por 3-1. “Foi un resultado xusto nun encontro típico de cuartos, no que os árbitros permitiron xogar e se puido ver un alto nivel físico”, analizaba Javier Pardeiro ao final do partido.
Cunha excelente disposición dende o asubío inicial, o cadro mariñán xa se adiantou no marcador no minuto 6 grazas á capitá Dolo, a pase de Dany coa cabeza. O 2-0 protagonizouno Maite dende saque de esquina (minuto 11), pegando o balón en Martica antes de cruzar a liña de meta. O técnico burelista destacou a verticalidade e o perigo en ataque durante a primeira parte: “Tivemos opcións marcar máis as distancias, pero a partir do 2-0 relaxámonos un pouco; o Soto del Real aproveitou para apertar e aí puido pasar calquera cousa” explicaba Pardeiro.
Tras o descanso Pitu reduciu distancias nunha internada á área dende a banda dereita para superar con disparo pegado ao pau esquerdo a meta de Jozi (minuto 23). Puido ampliar a renda a escuadra lucense cun remate desviado de Dany á media volta e nun man a man de Lidia salvado pola meta Elena, superado o ecuador da segunda parte. O Burela deulle máis seguridade ao electrónico no 37 a través de Dany rematando case dentro da portería a pase de Peque dende a esquerda. A falta de 2 minutos para a bucina final, Martica abandeirou o xogo de cinco sen facer perigar a vantaxe laranxa.
Semifinais. O equipo de Pardeiro terá que esperar ata a tarde para coñecer o rival de mañá (17.00 horas); sairá do duelo entre o Ciudad de Alcorcón e Orvina (17.30 horas), terceiro e sexto na liga respectivamente.
Ficha técnica
Burela FS Pescados Rubén: Jozi, Lucía, Haydee, Lidia, Peque, cinco inicial; tamén xogaron Dolo, Dany, Maite
VP Soto del Real: Ana, Martica, Chili, Patri, Laura Jiménez, cinco inicial; tamén xogaron Pitu, Coral, Wendo, Elena, Nera, Vane
Goles: 1-0, minuto 6, Dolo; 2-0, minuto 11, Maite; 2-1, minuto 23, Pitu; 3-1, minuto 37, Dany
Árbitros: Miguel Bardella Barbolla e David Ocaña Romero (Colexio Vasco). Sen amoestacións
Axenda da base
A base do CD Burela FS Pescados Rubén afronta unha emocionante fin de semana co pistoletazo de saída para a Copa da Mariña (Burela), con representación benxamín, alevín e infantil. Tamén estarán en xogo a Final Autonómica de Deporte Escolar con cadetes ante o Noia FS e a semifinal de volta da Copa Nacional Xuvenil ante o ADFS Bueu.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
