O Bloque Nacionalista Galego celebrou esta tarde en Viveiro o acto central da campaña “Non é unha crise, é un roubo!” que contou coa presenza do Portavoz Nacional do BNG, Xavier Vence.
O acto estivo centrado en denunciar a estafa das preferentes e a responsabilidade política do Partido Popular que, desde os gobernos, apoia á banca mentres dá a espalda ás aforradoras e aforradores galegos. Nel tomaron a palabra a Responsábel Comarcal do BNG na Mariña, Ana Ermida; o Portavoz Municipal nacionalista en Viveiro, Bernardo Fraga e un portavoz de afectados por este produto, Xulio Vicente.
Nas diferentes intervencións, os nacionalistas amosaron, unha vez máis, o seu absoluto e rotundo apoio ás persoas que foron vítimas desta estafa por parte da banca e que agora están vendo como o goberno, no canto de defendelos, aproba unha quita que consuma o roubo dos aforros a miles de galegas e galegos.
Neste sentido, os nacionalistas pedíronlle “decencia política” ás deputadas e deputados galegos que foron a Madrid a apoiar o decreto que aproba a quita e denunciaron a súa hipocresía, afirmando que “estas persoas non poden dicir que están representando e defendendo ao pobo, senón que o que están facendo é atacar á maioría social, poñéndose do lado da grande banca e levando ás persoas cara a miseria absoluta.”
“Neste roubo, coma en todos, hai culpables e teñen nomes e apelidos. E quen cala e apoia o roubo é culpable igual que quen o executa.”, afirmaron desde o BNG. “Primeiro houbo unha estafa por parte da banca, enganando á xente con produtos financeiros que non eran apropiados para as persoas aforradoras, e agora é o Partido Popular desde o goberno quen permite que esa estafa se consume e se transforme nun roubo que deixará a milleiros de persoas sen o seu diñeiro. “E quen ten a responsabilidade dista situación, afirmaron con rotundidade os nacionalistas, son as Deputadas e Deputados que, coma o viveirense Jaime de Olano, preferiron antepoñer os intereses de Partido e do grande capital aos das súas veciños e veciños.”
Os representantes nacionalistas trasladaron a todas as persoas a súa disposición para seguir traballando ao seu carón e animáronas a non desistir na súa loita e a mobilizarse para recuperar o que é delas, os aforros que lles están sendo roubados por un goberno que non lle importa deixar á cidadanía na miseria (con continuos recortes en sanidade, educación, servizos sociais, suba de impostos, etc.) mentres segue engordando á banca.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
