Barreiros, 13 de xuño de 2013. O BNG de Barreiros votou en contra da ordenanza reguladora do uso das praias que se debatiu onte no pleno de Barreiros, argumentando que é unha ordenanza cun “tono excesivamente prohibicionista, que non regula as obrigas do concello (como as referidas á limpeza ou á dotación de servizos) e na que se desaproveita a oportunidade de darlle un pulo turístico ao municipio.” Para o BNG, “ a ordenanza é unha mala copia de outras normas reguladoras existentes no levante ou no sur de España e pode chegar a causas máis problemas que a solucionalos, por exemplo, co referente ás actividades que se poidan considerar molestas. Deixando cuestións absolutamente subxectivas e arbitrarias como o que cada quen pode considerar molesto en canto a xogos ou á música.”
“Os feitos de que o texto estivera en español ou que o propio Alcalde levara modificacións do mesmo no propio pleno dan boa conta de cómo foi feita a regulamentación: un corta e pega doutras ordenanzas, feita á presa e sen ter en conta a realidade do concello ao que vai aplicarse”, aseguran desde o BNG.
Por outro lado, os nacionalistas dubidan da aplicación que se poida facer da mesma, e califican de “incongruencia o feito de que se incrementen as funcións do persoal de salvamento e socorrismo, que tamén terán que levar a cabo as labores de policia, ao tempo que se está recortando no número de persoas que se adican a este servizo.”
Fomentar outro tipo de turismo como obxectivo do BNG
Pero ademais, os nacionalistas barreirenses lamentan que a ordenanza se utilice só para prohibir e con un especial carácter sancionador e recaudatorio e non se aproveite para regular cuestións que podían supor un pulo e unha diferenciación para a oferta turística de Barreiros. O BNG aposta porque “se regulen, tendo en conta os quilómetros de areais dos que dispón o concello, espazos nos que se fomente o turismo naturista e/ou nudista ou espazos aos que se poida acceder con mascotas. Estas serán algunhas das alegacións que presentará o BNG de cara a fomentar outro modelo de turismo lonxe da masificación das praias que parece que é o referente turístico que ten o goberno local”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
