O resultado final do partido de ida en Betanzos ante o titular foi de derrota para os cadetes do C.D.Foz por 2-1. Os pupilos de Oke tocalles remontar o vindeiro sábado no Municipal de Malates, para así acadar o tan desexado ascenso á Liga Galega. O partido foi disputado con máis control por parte dos coruñeses, que manexan ben o balón. Non obstante, os dous goles locais viñeron a balón parado. O primeiro dun córner, onde o esférico quedou morto na area pequena e só fixo falta meter o pé para acadar o gol. O segundo, tamén nos minutos finais da primeira parte foi por unha falta lateral e, igual que o primeiro, o balón quedou mal despexado na area pequena e so houbo que rematar o coiro ó fondo das mallas. Pola súa parte, o Foz non logrou rematar un so tiro entre os tres paus.
Na segunda metade so cabía votarse para adiante, en busca dun gol que deixase a eliminatoria máis accesible. Así, o Foz creaba espacios atrás que aproveitaban os locais para saír en rápidos contrataques, creando perigo nalguhas ocasións. Xa pasada a metade do segundo tempo un disparo de Anxo, moi bombeado fixo que o porteiro local non despexase ben, e tras dar no largueiro, Dani rematou coa cabeza o balón no fondo das mallas. Co 2-1 no marcador os focenses dispuxeron doutra clara ocasión para empatar, pero o balón de Germán saeu fóra por pouco. Xa no tempo de desconto, un penalti absurdo a favor dos locais afundía ós rapaces focegos, pero Xosé nunha extraordinaria parada evitou o terceiro gol betanceiro, mantendo as ilusións intactas á espera do derradiro e definitivo encontro en Foz.
Os xogadores celebraron o resultado como se dunha victoria se tratara, pedindo xa o apoio incondicional do público focego no Municipal o sábado día 22, para entre todos poder lograr o ascenso á Liga Galega, que “ben se merecen esta extraordinaria xeración de futbolistas” segundo o club que pide unha gran entrada para animar o C.D. Foz cadete.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
