Burela, 19 de xuño de 2013. Os Concellos de Alfoz, Cervo e Burela estudan a posibilidade de asinar un convenio conxunto co obxectivo de beneficiarse da liña de axudas que sacou a Xunta para a promoción da igualdade. Os rexedores dos tres municipios: Emilio Lousas, Alfonso Villares e José Mª González Barcia, e a concelleira de Servizos Sociais, Diana Durán, mantiveron nas últimas horas unha xuntanza para abordar esta cuestión.
A edil popular explicou que “a Secretaría Xeral de Igualdade publicou hai uns días as bases reguladoras para a concesión de axudas e subvencións a entidades locais de Galicia a promoción da igualdade, que están cofinanciadas polo Fondo Social Europeo. Os Concellos poden agruparse e así optar a unha cantidade de cartos maior. A contía máxima desta convocatoria son 70.000 euros”.
Diana Durán lembrou que “só o Concello de Burela obtivo o ano pasado para a promoción da igualdade 44.100 euros. Fomos os primeiros de Lugo e os segundos de Galicia na contía destinada e concedida para este fin. Entón como desde Burela xa estamos a atender á poboación feminina doutros municipios como Alfoz ou Cervo en cuestións relativas á violencia de xénero é por iso que consideramos importante agruparnos para poder ter acceso a unha subvención maior”.
A concelleira de Servizos Sociais burelesa indicou que “si chegamos a acadar os 70.000 euros poderemos reforzar o persoal do Centro de Información ás Mulleres e mellorar así a calidade do servizo que se presta ás mulleres de Burela, de Cervo e de Alfoz”.
Durán engadiu que “esta foi a primeira xuntanza, pero ao longo dos vindeiros días manteremos máis. Agora serán os técnicos cos propios alcaldes os que analicen esta posibilidade, a de asinar un convenio entre os tres Concellos para poder acceder a unha subvención máis importante destinada á promoción da igualdade”.
A concelleira de Servizos Sociais subliñou que “o CIM de Burela é o máis destacado da provincia de Lugo, tanto polas prestacións que ofrece como pola cantidade de demandas atendidas e a calidade na atención das profesionais que o conforman”. E insistiu en que “a puntuación obtida o ano pasado deu lugar a que o CIM de Burela percibira o 98% do total solicitado, o que nos supuxo garantir a continuidade da prestación do servizo. Tamén é de salientar que a subvención de 2012 viuse incrementada con respecto á de 2011, e queremos seguir incrementado esta cantidade concedida pola Xunta de Galicia, a través da Secretaría Xeral de Igualdade, para este 2013. Ademais xa estamos a estudar as do 2014”.
Diana Durán sinalou que “as áreas a compartir cos Concellos de Alfoz e de Cervo serían a xurídica, orientación profesional, emprego, recursos específicos en muller, información da Secretaría Xeral de Igualdade, atención psicolóxica e toda aquela información no ámbito da muller. Estas funcións estarían prestadas por unha asesora xurídica, unha psicóloga e unha técnico en administración que fai a súa función de directora do centro”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
