A ala-pivote Patricia González Mota, Peque, estivo arroupada polo presidente do CD Burela FS Pescados Rubén, Manuel Blanco, e os directivos Rubén Blanco e Alba Vila para selar o acordo de renovación co que a madrileña, de 26 anos, cumprirá a terceira tempada na Mariña.
“Burela sempre foi a miña primeira opción” confesou a actual pichichi laranxa (28 tantos), que tamén admitiu que foi tentada por outras propostas: “O fútbol sala italiano está moi interesado nas xogadoras españolas, pero nunca dubidei porque este é un club serio que sempre cumpre; hai que manter os pés na terra” explicou Peque. A ala-pivote, entusiasmada aínda co recente dobrete de Liga e Copa de España e co seu paso pola Selección Española, recoñeceu que o listón está moi alto, pero non é imposible: “Será unha tempada difícil de igualar, pero debemos traballar con ilusión. Preséntansenos novos compromisos, a Supercopa será o primeiro termómetro e o noso obxectivo debe seguir sendo o mesmo: mellorar día a día e pelexar por gañalo todo” dixo a madrileña.
Os dirixentes mariñáns aplaudiron a continuidade da talentosa goleadora como “unha garantía para salvagardar a coraxe do equipo en ataque nunha tempada que se abre a novas experiencias competitivas para o proxecto burelista”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
