Lugo, 27 de xuño de 2013.- A Consellería de Cultura, Educación e Ordenación Universitaria incrementa nun 7% o número de prazas para ensinanzas regradas de idiomas nas sedes da Escola Oficial de Idiomas (EOI) da comarca da Mariña. Deste xeito o resaltou hoxe a delegada territorial da Xunta en Lugo, Raquel Arias, que indicou que de cara ao vindeiro curso 2013-14, “o departamento autonómico incrementa con 120 prazas máis a oferta de ensino de idiomas de que dispón a escola oficial nesta comarca”.
Arias explicou que, en concreto, a consellería incrementa “con 120 novas prazas a sección de Burela, posta en marcha o curso pasado, onde se duplica a oferta de ensino existente, ao promover a docencia de inglés a través da posta en marcha desas prazas”.
Deste xeito, a oferta de ensinanzas regradas nas EOI da Mariña sitúase en 2.030 prazas, repartidas do seguinte xeito:
• EOI Viveiro: 980 prazas
• EOI Ribadeo: 840 prazas
• Sección de Burela: 210 prazas
De xeito global, coas novidades da oferta de cara ao curso 2013-2014, a Consellería de Cultura e Educación “aumenta nun 6% o número de prazas para ensinanzas regradas na escola lucense”, asegurou Arias, que afirmou que o incremento, no global da provincia, permite que o número de prazas se sitúe no umbral das 6.400 prazas (6.395), respondendo tamén así á alta demanda existente.
Do mesmo xeito, esta mellora cuantitativa levará aparellado tamén un importante incremento de profesorado nas escolas oficiais para facerse cargo deste incremento da oferta de docencia de idiomas.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
