Santiago de Compostela, 03 de xullo de 13. O portavoz de Pesca do Grupo Socialista, José Ramón Val, acusou este mércores 3 de xullo ao goberno galego de ter aberto unha fenda co sector do polbo a raíz da aprobación unilateral do Plan do Polbo 2013 – 2014. O responsable socialista presentou unha iniciativa parlamentaria para que o Goberno galego reelabore dito Plan, desta volta de acordo co sector.
Val sinalou que o “talante autoritario” amosado pola conselleira de Pesca, Rosa Quintana, e o secretario xeral da Consellería, Juan Maneiro, ao negarse a “mover nin unha coma” do plan aprobado pola Xunta ten avivado o conflito para un sector duramente castigado pola crise. Este talante, dixo, tense demostrado tamén na resposta policial ás protestas do pasado luns e coa prohibición das manifestacións fronte a San Caetano.
O responsable socialista esixiulle ao goberno galego que “poña fin ao conflito” na xuntanza convocada cos responsables do sector para mañá xoves atendendo ás súas demandas. O parlamentario socialista, que acompañou aos mariñeiros nunha protesta simbólica na Praza do Obradoiro, lamentou que o PP boicoteara un encontro destes cos grupos parlamentarios ao negarse a recibilos na sede parlamentaria.
Nasas
O portavoz de Pesca do Grupo Socialista reclamou que a Xunta retire a obriga de recoller as nasas do polbo entre Cabo Silleiro e Corrubedo nas fins de semana a cambio de ampliar os períodos de veda desta especie, como propón o sector. Val Alonso apunta que esta medida mellora as condicións de traballo e seguridade destes mariñeiros e ademais si que garante obxectivamente a recuperación da especie.
Explicou que a obriga de retirar 500 nasas os venres para volver a depositalas outra vez os luns, ademais de ser discriminatorio, xa que a medida non se aplica en todo o territorio por igual, supón un risco innecesario para os traballadores e non garante a recuperación das especies.
A iniciativa socialista reclama así a derrogación do Plan de xestión do polbo entre Cabo Silleiro e Corrubedo “por considerar que pode levar á flota a situacións de inseguridade” ademais de ser “inxusto e insolidario”. Así mesmo, propón a elaboración urxente dun novo plan de xestión consensuado co sector, que prime a seguridade e que contemple medidas compensatorias por deixar caladas as nasas durante a fin de semana.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
