RIBADEO (FNC) .- O concelleiro de Deportes, Vicente Castro, anuncia que haberá importantes restriccións de tráfico a finais desta semana no transcurso da celebración da II Volta Ciclista ás Comarcas de Lugo. Castro explica que “haberá restricións do tráfico nas rúas Avenida de Asturias, José Vicente Pérez Martínez, todo o entorno da praza de abastos incluído Doutor Moreda e tamén na Avenida de Galicia. As restricións serán desde as 10 da mañá ata as 19 horas do venres 29 de maio e pode haber cortes totais de 10 da mañá a 13.30 horas e de 16 a 19 horas. En días sucesivos iremos concretando máis os cortes totais que se poden producir durante a celebración desta II Volta Ciclista ás Comarcas de Lugo”.
Vicente Castro tamén concreta que “o aparcamento estará prohibido desde as 20 horas do xoves 28 de maio ata o venres ás 19 horas nos seguintes tramos, en Avenida de Galicia dende o cruce da rúa Vilalba ata Ramón González; todo o entorno da praza de abastos incluíndo Doutor Moreda e José Vicente Pérez Martínez e unha parte da Avenida de Asturias, entre a rúa Reinante e a rúa San Francisco”.
O edil nacionalista pide “de novo a colaboración da cidadanía para que a proba se desenvolva sen problemas e sexa un éxito que redunde no beneficio de todo Ribadeo e pido desculpas polas molestias que se poidan ocasionar”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
