José Ramón Gómez Besteiro manifesta a súa “profunda alegría por José Blanco, pola súa familia e por todo o partido socialista” despois de coñecer o arquivo da causa contra o deputado por parte do Tribunal Supremo. O secretario xeral do PSdeG en Lugo lembra que sempre mantivo “unha absoluta confianza” en Blanco, como ratificou en todas as súas declaracións públicas realizadas ao longo destes anos ao respecto, e critica “aos que aproveitaron os tempos electorais para facer xuízos paralelos e públicos, faltando ao respecto á presunción de inocencia” neste proceso. “Hoxe todos eles teñen unha responsabilidade que asumir”, afirma.
Gómez Besteiro advertiu de que os temas xudiciais “esixen sempre a máxima responsabilidade e altura política por parte de todos, fóra de toda ansiedade e interese electoral”, e lamentou que José Blanco é “un exemplo de como a unha persoa pode facérselle soportar o insufrible e da maneira máis dolorosa a nivel persoal, profesional e política”.
O socialista incide en que “todos os que faltaron ao respecto á presunción de inocencia hoxe teñen unha responsabilidade que asumir e un cargo de conciencia que debe facer reflexionar aos que seguen utilizando as mesmas artimañas”. Gómez Besteiro avogou pola “responsabilidade” e o “máximo respecto á separación de poderes”, polo que recalcou que “o calendario xurídico non debe mesturarse nunca co calendario político”, porque “é un tema extremadamente serio con consecuencias como as que hoxe pon de manifesto a resolución do Tribunal Supremo que vimos de coñecer”.
Besteiro foi informado do arquivo da causa polo propio José Blanco, que na mesma conversa lle transmitiu o seu apoio para o proxecto de renovación do PSdeG e o seu desexo de asinar o primeiro aval en favor da súa candidatura o luns, no momento en que se abra o proceso.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
