Santiago de Compostela, 19 de xullo de 2013. – A Mesa pola Normalización Lingüística amosou a través dun comunicado a súa preocupación polas informacións que rodean a produción da serie El Faro, financiada maioritariamente pola TVG e coa participación de case todas as televisións da FORTA.
Neste sentido A Mesa amosou o seu apoio ao comunicado feito público pola Coordinadora de Profesionais do Audiovisual Galego -constituída pola Asociación de Actores e Actrices de Galicia (AAAG), a Asociación de Guionistas de Galicia (AGAG), a Asociación de Técnicos do Audiovisual de Galicia (ATEGA) e a Asociación de Directores e Realizadores (CREA)- no que amais de denunciar a precarización das condicións laborais, o incumprimento dos convenios e a dinamitación dos prezos de mercado do sector, denunciaban que a serie “non se axusta aos principios de defensa e promoción da lingua e da identidade cultural polos que se ten que rexer a programación da nosa canle autonómica, tal e como se recolle na Lei de creación da CRTVG; tamén, e dun xeito absurdamente paradoxal, choca cos valores de defensa da diversidade cultural e lingüística nos que se basea a propia existencia das televisións públicas autonómicas” ao pretender ambientala nun contexto que busca deliberadamente ocultar calquera referencia á identidade cultural específica de cada unha das comunidades nas que se vai emitir.
Para a maior asociación cultural galega esta formulación non deixa de reflectir a política cultural acomplexada do PP, caracterizada pola vergoña cara ao propio, e lembran que precisamente as series de maior éxito da TVG foron e son as que parten sen complexos da nosa realidade cultural para artellaren tramas universais.
A asociación en defensa da lingua criticou duramente que a TVG pague a rodaxe dunha serie en español “con todas as necesidades que ten aínda o noso audiovisual e todas as carencias con que se encontra aínda a lingua que a TVG ten que defender: a galega.” Así, A Mesa considerou que a dirección do ente público pretende que a CRTVG deixe de ter sentido contribuíndo a precarizar e sabotar a industria audiovisual galega e en galego, en vez de a impulsar como é a súa obriga. Lembrou así mesmo que a Lei 6/1999, do 1 de setembro, do audiovisual da Galiza regula os principios xerais de actividade audiovisual, establecendo no artigo 4.b “a promoción e difusión da cultura e lingua galegas” e no artigo 5 que “A Xunta de Galiza recoñece o carácter estratéxico do sector audiovisual pola súa importancia cultural, social e económica, como instrumento para a expresión e dereito á promoción e divulgación da cultura de Galiza, a súa historia e a súa lingua, como datos de autoidentificación”.
Baleirar de sentido a existencia da CRTVG
Así, desde A Mesa acusaron os responsábeis da CRTVG de baleirar de sentido a existencia do ente público galego, e ironizan: “Non temos previsto que Televisión Española, Mediaset ou Antena 3 comecen a producir series en galego a curto-medio parzo, se a TVG deixa de o facer, quen as vai producir?”
Neste sentido desde A Mesa pola Normalización Lingüística lembran que o propio Partido Popular abriu a porta á privatización das televisións autonómicas, levando esta medida no seu programa electoral, mudando a Lei Audiovisual no Consello de Ministros para o posibilitar, ao tempo que desde os seus medios afíns tratan de convencer á opinión pública duns supostos “custos inasumíbeis” das televisións públicas autonómicas en tempos de crise para a continuación, cinicamente, falar de “beneficios” na súa privatización.
Se neste debate a TVG non entrou no mesmo saco que Telemadrid ou Castilla-La Mancha TV é porque de momento ninguén dubida de que cumpre un importante papel en relación co galego, por ser o referente televisivo e audiovisual da nosa lingua propia. Por iso desde A Mesa sinalaron que se a TVG deixa de cumprir este papel estaría encetando o grave, triste e indesexábel camiño da súa futura desaparición.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
