Na sesión da xunta de goberno da Deputación deste venres deuse conta dunha sentenza que desestima a demanda do Partido Popular no Valadouro, na que esta agrupación solicitaba a suspensión do Pleno no que tomou posesión a nova Corporación Municipal, por non lle ser notificado con maior antelación a data do mesmo. Ante esta situación, o Concello solicitou asistencia xurídica á Deputación, evitando contratacións externas para súa defensa e aforrando cartos. “A xustiza da á razón ó Concello, desestimando a demanda e obrigando ó PP a pagar as costas do caso, que poderían ascender ós 700 euros, aínda que é unha cuestión que determinará posteriormente a xustiza”, explicou a vicevoceira provincial, Pilar García Porto.
Irregularidades GES
Deuse conta á Xunta de Goberno do informe da Asesoría Xurídica sobre o incumprimento do convenio dos GES por parte dos Concellos de Folgoso do Courel, Guitiriz e Quiroga. Concellos e asociaciones denunciaron graves irregularidades nos procesos de selección do persoal destes municipios, notificándoos á Deputación por escrito. Isto motivou, en primeiro lugar, que o organismo provincial puxese en coñecemento da Xunta estas denuncias. Posteriormente, ante a ausencia dunha resposta por parte da Conselleira de Presidente que é a responsable última dos GES, a institución luguesa esixise a reunión da Comisión de Seguimento. García Porto destacou que “nestes encontros, o Goberno galego recoñeceu graves irregularidades na contratación dos GES en Guitiriz, Quiroga e O Courel, irregularidades que tamén foron recoñecidas polos propios Alcaldes destes Concellos. Nembargantes, a Xunta decidiu avalalas, e non obrigar a estes municipios a facer unha rectificación cun novo proceso de selección de persoal para os GES, axuntándose á lei. A Deputación ten moi claro que non vai a pagar nada ilegal polo que non financiará os GES de Guitiriz, Quiroga e O Courel. Facelo, significaría apoiar graves irregularidades como, por exemplo, que Guitiriz alterare as bases dun proceso de contratación de persoal público; ou que Quiroga e Folgoso do Courel celebrasen concursos de méritos cos que se contratou á irmá da Alcaldesa do Courel, un primo carnal do seu marido, entre outras persoas afíns ó Partido Popular. Non vamos a avalar isto en ningún caso”.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
