Burela, 20 de xullo de 2013. O Concello solicitaralle á Xunta a desafectación de varias vivendas dos mestres do colexio Virxe do Carme. O obxectivo é poder destinalas a fins sociais. O alcalde, José María González Barcia, agarda que o expediente se resolva con celeridade.
O rexedor contou que “no colexio Virxe do Carme hai oito pisos para mestres, están divididos en dous bloques e cada un deles está composto de catro vivendas. Hai dúas que están ocupadas por profesores, unha que é empregada pola APA do colexio e unha máis que está a ser utilizada como almacén por parte do propio centro. E as outras catro están sen usar”.
González Barcia explicou que “tendo en conta que nós temos falla de locais e que estamos estudando a posible posta en marcha dalgún servizo social novo, o que imos facer é pedirlle á Xunta de Galicia a desafectación desas vivendas que están libres para destinalas a outros usos. Por exemplo poderían ser para contar con locais para asociacións, xa que agora mesmo non temos. Os locais que hai na praza de abastos están todos ocupados e hai asociacións que non contan cun espazo de reunión e traballo. Como a situación económica actual non lles permite paga aluguer é polo que, entre outras cousas, unha ou dúas desas vivendas baleiras se destinarán a locais para asociacións. Serán compartidos porque tampouco hai máis”.
O alcalde burelés lembrou que “as vivendas construíronse practicamente de forma simultánea co colexio e son propiedade municipal, pero están afectadas a un uso que é o de residencia dos mestres. Como hai dúas que están a ser ocupadas e utilizadas por profesores e outras dúas que teñen usos vinculados coa docencia, as outras catro consideramos que poden ter outro uso, porque neste momento están a ser infrautilizadas”. E subliñou que “a adecuación para servizos sociais correría a cargo do Concello, pero fariámolo de xeito paulatino, un ano unha, ao seguinte outra, pero sempre atendendo a criterios de mais deterioro. Primeiro irían as que están en peor estado e deixaríamos para o final as que están mellor”.
José María González Barcia indicou que “a desafectación de vivendas de profesores para destinalas a usos sociais non é a primeira vez que ocorre nun concello. En Burela só hai estas vivendas polo que este proceso de desafectación si que será o primeiro, pero como digo noutros lugares isto xa se fixo. En Xove, por exemplo, o Concello desafectou parte das súas vivendas para arranxalas e destinalas a pisos de aluguer barato para familias con necesidades. Esta é a posible solución que se lle podería dar a unha ou dúas vivendas do colexio Virxe do Carme”.
O alcalde dixo que “o asunto xa se falou coa Consellería de Educación, que o ve ben, a dirección do centro tamén o sabe e partires de aquí se inicia o expediente, que esperamos que se resolva canto antes e que acabe ben”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
