A portería do Burela FS Pescados Rubén contará esta tempada cun novo aliado, Alejandro González Pérez, que chega a terras mariñás procedente do Santiago Futsal. O presidente, Manuel Blanco, e o directivo Ángel Fernández acompañaron a Alex na súa presentación oficial na sede do club burelés.
O meta madrileño afronta este cambio “cunha enorme ilusión e convencido que podemos realizar unha brillante tempada xa que ademais do potencial deportivo, o grupo reúne unha excelente calidade humana”. O guardameta laranxa decantouse pola oferta burelesa “principalmente por tres motivos; a seriedade do CD Burela FS, a presenza de Juanlu e a afección burelesa que é un privilexio xogar para eles”. Alex cualificou o proxecto burelés como “moi ilusionante e traballaremos forte para alcanzar os obxectivos. Aspiramos a xogar a Copa e os Play Off pero debemos ser humildes e ir paso a paso”. Na escuadra mariñá reencontrarase con Antoñito, Matamoros e Hugo cos xa compartiu vestuario anteriormente e competirá con Edu na defensa da portería laranxa. Respecto diso indicou que “é un reto apaixonante compartir responsabilidades con Edu que ten moita calidade e experiencia. Veño a sumar para o equipo, a seguir crecendo como deportista e persoa, e a competir sanamente. Estou seguro que vou aprender e mellorar con Edu de compañeiro”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
