Burela, 17 de agosto de 2013. O goberno local de Burela explicou hoxe que o Concello paga puntualmente ós provedores para contribuír a manter viva a economía e así conservar empregos no municipio. E acusa ó PSOE de intentar enganar ós veciños sobre os datos da débeda do Concello, que están a disposición dos grupos políticos no departamento de Intervención.
“En primeiro lugar os datos que nosoutros damos son certos, porque calquera grupo político pode velos en Intervención. Polo tanto o que lle pedimos ó Partido Socialista é que antes de opinar e de intentar enganar ós veciños que pasen por Intervención e que verifiquen se o que dicimos nosoutros é certo ou non. O que fan eles é unha auténtica desvergonzería política, porque opinan sobre o que non coñecen e intentan confundir á xente”, manifestou o equipo de goberno.
Para os responsables do goberno municipal “os socialistas non nos poden dar leccións de absolutamente nada en materia económica porque demostraron ó longo dos anos ser uns auténticos manirrotos e usar o diñeiro dos cidadáns pouco menos que ó seu antollo. Este señor Llano, que agora cobra 51.000 euros ó ano da Deputación; a señora López Villar, que no seu día fixo obras no seu piso sen pagar os impostos municipais; xunto cun sindicalista ó que lle gusta trepar na política pero que foi condenado nun xuízo de faltas por coacción, non nos poden dar leccións de nada”.
O equipo de goberno popular lembra que “eles deixaron 1.300.000 euros de facturas sen pagar e sen consignación orzamentaria, o que provocou o endebedamento do Concello. Eles puxeron en marcha as axudas dos 40 euros e despois tiveron que retiralas. Eles foron os que eliminaron as subvencións ós colectivos culturais. A señora López Villar obsequiounos nun Nadal cun calendario onde en todos os meses aparecía unha fotografía súa e pagámolo todos os bureleses. Eses señores, que hipotecaron ó Concello de Burela en 1.100.000 euros, deberían pagar eles o crédito que estamos costeando entre todos. Pero iso xa non é de agora: ó longo da historia os socialistas tratáronnos ós cidadáns de Burela bastante mal; aínda a día de hoxe estamos pagando a herdanza do goberno socialista de Cervo do que formaba parte o señor Rego González. Polo tanto, como se ve, nin uns nin outros nos poden ensinar nada en absoluto”.
O goberno local de Burela proponlle ó Partido Socialista que “antes de opinar consulte os datos e se é mentira que o digan, pero se son certos que teñan a prudencia de non botar a lingua a pacer antes de tempo. O que pasa é que eles non van polo Concello, porque os datos que temos nosoutros poderían telos tamén eles. Igual non lles interesa ir para non comprobar a veracidade do que nosoutros estamos dicindo. E iso demostraría, aparte de que son uns desvergonzados políticos por dicir as cousas sen consultalas antes, que o seu único obxectivo non é sanear a economía do Concello senón atacarlle ó Partido Popular e especialmente ó alcalde”.
Ademais o equipo de goberno considera “lamentable e patético que o Partido Socialista diga que non quere que se lle pague á xente porque iso significa empobrecer ós veciños. Iso foi o que fixeron estes señores durante os catro anos que gobernaron o Concello, provocando á aparición de 1.300.000 euros de facturas sen pagar. Iso si é empobrecer ós veciños, porque seguiron aumentando os impostos ó longo deses catro anos e, ó mesmo tempo, provocaron precisamente unha grave situación na economía do Concello. E que agora nos veñan intentando dar leccións sobre estes asuntos resulta realmente patético e lamentable. Se os socialistas cren realmente que pagar as facturas é empobrecer ós veciños que llo digan publicamente a todos e cada un dos provedores de Burela que traballan co Concello. Cando nosoutros chegamos ó goberno local, en xuño do ano 2011, a media de chamadas diarias ó Concello por parte dos provedores preguntando cándo ían cobrar era de entre 8 e 10. Agora a media dos provedores que chaman ó Concello para saber cando van cobrar é 0. E soamente hai que falar cos provedores do Concello, incluídos os de Burela, para ver como aumentou a confianza no Concello de Burela á hora de cobrar. E pagando puntualmente o único que se pretende é manter viva a actividade económica dos provedores do Concello para que poidan conservar empregos. E isto, nos tempos que corren, é a mellor forma de non empobrecer á poboación”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
