Ribadeo, 23 de agosto de 2013.- O presidente do Partido Popular de Ribadeo, Jesús López Penabad tacha de “barbaridades” as declaracións postas de manifesto polo alcalde municipal, Fernando Suárez, nas que dá a “calada por resposta” ás preguntas da formación popular en relación a denuncia de que o edil Vicente Castro cobre un salario da Deputación mentres presta os seus servizos exclusivamente ao rexedor local.
Os populares locais, que denunciaron en reiteradas ocasións esta situación que pode ser constitutiva dun presunto delito de malversacións de fondos públicos, censura que Fernando Suárez se agoche e non sexa quen de dar a cara ante os veciños e explicar se comparte esta situación, que pode derivar nun caso de presunto financiamento irregular dun partido político.
O presidente dos populares asegura que esta situación amosa que “ao alcalde lle queda grande a alcaldía, cando se ve abocado a recorrer ao ataque persoal para defender un tema político”. López Penabad lamenta esta actitude, propia dun rexedor que se “veu cazado” e que non ten “explicacións que permitan amosar que non é certo un feito coñecido por todos os veciños”.
En relación as declaracións do rexedor, o popular respóndelle ao nacionalista que “tanto vostede como eu vivimos cada un na súa respectiva casa”, pero cunha diferencia –matiza- “vostede come dun salario público dependente de todos os ribadenses, incluído eu”, polo que segundo López Penabad “débese aos veciños que necesitan unha resposta ao respecto desta situación”.
Asemade, o popular chega a alertar das declaracións de Fernando Suárez que poñen de relevo a “falta de valores dun responsable político de cuxas afirmacións se pode extraer mofa ante unha situación de desemprego”, explica o popular quen engade que “ningún responsable político pode rirse de que un veciño non teña traballo”. Con esta actitude do alcalde incluso se pode chegar a deducir, censura o popular, máis ou menos, que todos os desempregados “somos uns incompetentes laboralmente”.
Dende o Partido Popular de Ribadeo, segundo explica López Penabad, non podemos aceptar estas declaracións tendo en conta que “preto de 1.000 veciños se vén afectados por unha situacións de desemprego”.
O popular esixe respostas
O presidente popular explica que quen xa está “farto” da actitude dun rexedor que falta a verdade é a súa formación política, que esixe respostas, xa que “nos atopamos ante un feito moi grave”.
Fernando Suárez “ten que dar a cara”, esixe o popular, e deixar claro ante os veciños, “aos que se debe” –matiza-, se é cómplice destes presuntos pagos irregulares. “Queremos saber se comparte esta situación”, pregunta o líder popular, e de non ser así, “que xestións prevé levar a cabo”, engade. “Pedirá a devolución do diñeiro percibido indebidamente ou pola contra pedirá a dimisión do edil”, enumera.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
