O grupo municipal do PP espuxo estes días á opinión pública o resumo do seu traballo e aportacións de forma correcta e positiva sobre un tema de capital importancia para Ribadeo. Dado que en algún punto esta opinión e traballo non coincide coa do alcalde, a reacción non se fai esperar e publica anoxado e insultante unha carta pública na que arremete contra nós, e na que insulta o noso quefacer con supostas pleitesías de partido. Ante a explosión de enoxo, recriminacións e inexactitudes coa que o alcalde acolleu a nosa opinión queremos lembrarlle o que xa sabe e non dice sobre a nosa postura, ou que xa sabe pero non nos recoñece:
Sabe moi ben o alcalde de Ribadeo e o resto do equipo de goberno da boa disposición, racionalidade e actitude positiva e dialogante deste grupo municipal, non só sobre este tema senón sobre outros capitais para o noso concello (PXOM, accesibilidade, residencia para a terceira idade,…) e sabe tamén o alcalde de Ribadeo que son varios os temas que nos unen e nos que coincidimos aínda en contra de posibles intereses de partido, que nunca foron argumento válido de por sí para nós.
Sabe moi ben o alcalde de Ribadeo que desde setembro de 2011 agarda tempo plenario unha moción presentada por este grupo para a CREACIÓN NA VELLA FÁBRICA DE ALGAS DA VILAVELLA DUN CENTRO DE RECURSOS AMBIENTAIS (CRA) E PARA DOTAR A PRAIA DE AS CATEDRAIS E O SEU CONTORNO DUN PLAN DE ACTUACIÓN. E xa desde ese entón están perfilados alí os argumentos expostos estes días.
Sabe moi ben o alcalde de Ribadeo que na xuntanza de portavoces (única reunión feita sobre este tema) este grupo municipal non só amosou o seu apoio incondicional e unánime senón que presentou un proxecto profundo e realista, meticuloso e coidado que ten en conta a situación pasada e presente do contorno de As Catedrais e que non tivo nin comentario nin crítica ningunha por parte do equipo de goberno.
Sabe moi ben que nunca este grupo fixo declaracións públicas en contra de ningunha actuación que o alcalde pensara ou fixera sobre ese contorno ou nese contorno, xa fora televisión, radio, fotografías ou videos particulares. A nosa actitude foi, polo tanto, contraria á súa que desde fai meses está a facer unha campaña mediática para disparar contra a Xunta de Galicia en cada ocasión que se lle presenta (ou que fabrica de seu periodicamente) sinalándoa como única responsable da situación cando sabe tamén que non o é.
Sabe tamén que estivemos o 14 de febreiro deste ano na xuntanza coa directora de Natureza, Biodiversidade e Usos da Terra da Comisaría de Medio Ambiente da Unión Europea, Pia Bucella, e que alí mesmo e publicamente espuxemos, defendimos e lembramos o noso compromiso co patrimonio ribadense e co contorno concreto de As Catedrais (non puidemos facelo na reunión seguinte xa que non fomos invitados), pese a que organizaron este cónclave desde o BNG e non desde o concello, politizando o tema e tentando excluír ó resto de grupos.
Sabe ben, por suposto, que os técnicos (incluída a propia Pia Bucella) recomendan unha análise exhaustiva da situación cara á elección da fórmula de protección máis axeitada e un traballo sereno e a medio prazo e que a posición do noso grupo foi, nesa liña, a de traballar cos técnicos e reunirse os grupos e os representantes de tódalas institucións periódicamente para acadar un traballo profundo, xustificado e consensuado.
Sabe tamén o alcalde de Ribadeo que, neste tema coma noutros, este grupo municipal lamenta que non haxa o eco debido, rápido e satisfactorio das institucións públicas e seguirá intentando que as nosas queixas e as nosas realidades sexan escoitadas e solventadas desde instancias superiores e máis axeitadas. Pero o que non debe decir ninguén, sen caer na mentira ou na demagoxia, é que non levamos dado pasos contra vento e marea desde o comezo da nosa andaina para intentar atopar unha solución conxunta a un dos nosos emblemas naturais…
Independentemente das siglas de cada partido e incluso de cada un, o traballo e as aportacións deberán ser criticadas desde os propios argumentos, se valen, de non valer, tanto dá que os diga o alcalde ou a oposición. A estas alturas enarbolar o grito de guerra de que si son dos contrarios ou dos nosos resulta cando menos patético, aínda que funcione. Seguiremos esixindo a tódalas institucións públicas do perfil político que sexan, que se respecten os nosos dereitos e as nosas xustas reivindicacións, e estaremos do lado dos intereses de Ribadeo, criticando ou apoiando aquelo que honradamente consideremos positivo para a nosa comunidade.
Se sabendo todo esto alguén se manifesta, acusa e arremete contra nós e o noso traballo como grupo municipal no tema da Praia das Catedrais, está faltando á verdade.
Grupo Municipal Partido Popular de Ribadeo
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
