A Deputación denuncia a discriminación da Xunta na adxudicación de axudas para a celebración de eventos de interese turístico galego. Dende a Deputación explican que a Consellería de turismo fai esta declaración coa intención de fomentar ó turismo pero despois deixa ós organizadores sen subvencións para promocionar os eventos que deberían dinamizar a economía da zona.
A Deputación esixe explicacións á Consellería de Turismo na xestión destas axudas e pregunta concretamente polos criterios que se seguen para aprobar ou non as achegas. Dende a entidade provincial critican que a Consellería, responsable da declaración das Festas de Interese Turístico Galego, non dota a estas celebracións de axudas concretas para facilitar o traballo dos organizadores.
Para a Deputación a promoción destas celebracións socioeconómicas é fundamental porque supoñen un importante revulsivo para a economía local e insisten en que en moitos casos a supervivencia da festa depende destas axudas. As citas serven para que axentes locais poñan á venta e promocionen os seus produtos gastronómicos, artesáns ou autóctonos, polo que estas celebracións teñen un grande impacto nas súas economías. Explican dende a entidade provincial que moitas das celebracións que contan con esta declaración preservan o noso patrimonio inmaterial, aspecto que inexplicablemente a Xunta non ten en conta para dar as axudas. Por este motivo a Deputación dedica fondos e axuda a promocionar estas festas colaborando cos seus organizadores.
Na provincia de Lugo hai catalogadas como festas de interese turístico galego 22 celebracións, e outras dúas citas lucenses contan coa declaración de interese nacional. Este ano quedaron sen axuda da Xunta citas tan relevantes como a Romaría do naseiro de Viveiro, a Feira do Bonito de Burela, A Maruxaina de San Cibrao, as Fachas do Castelo de Taboada ou o Arde Lucus. Tamén na capital, as festas do San Froilán, declaradas neste caso de Interese Turístico Nacional non contan con axuda da Xunta.
Outra discriminación ós lucenses
A falta de axudas para as festas de Interese Turístico Galego súmase a outras medidas discriminatorias acometidas polo goberno do PP na Xunta. Tal é o caso das áreas de Educación ou Sanidade, co peche de unidades escolares no rural lucense, a falta de servizos básicos de hemodinámica e radioterapia no Hospital Lucus Augusti e a paralización de infraestruturas de grande importancia para a provincia como o Corredor da Costa que depende da Xunta.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
