Último día as III Xornadas ‘Memoria dun tempo’

Este sábado 24 de agosto é o derradeiro día das III Xornadas “Memoria dun tempo”. Nestas xornadas, que polo de agora superan as previsións en canto a público asistente, celebrarase un acto que para moitas familias ten unha gran importancia: a homenaxe ós republicanos e libertarios que foron represaliados polo Franquismo, ás 7 da tarde no monolito sito na ponte vella do Barqueiro, o cal foi posto polo Concello, máis non foi obxeto de acto ningún no que se dera cabida ós descendentes das víctimas. Na ponte do Barqueiro intervendrán as netas do alcalde Jesús Castaño Galdo na representación das familias, o portavoz da Asociación Nordés, e dándose lectura a textos e poemas, ademais da interpretación de varios temas musicais e o feito dunha ofrenda floral. Ás 9 será o comenzo da cea de irmandade na que se departirá sobre o feito ata agora e as propostas para darlle continuidade ás xornadas e a recuperación da memoria nos concellos da bisbarra. Para rematar as Xornadas ás 11 e media da noite dará comezo o recital de Andrés Fernández que, baixo o título de: “Cancións dun tempo de loita”, interpretará temas de Suso Vaamonde, Bibiano e outros artistas dos anos 70 e 80.